Halloween party ideas 2015

By Pu L.K. Varte, Guwahati, Assam
Gospel Chanchintha Centenary lawmnaw ei ni naw a, Guwahati Gospel Centenary programme namnul programme hi lawmluithei annawlei lem a nih.
guwahati_gospel_centenary

Asan tlangpuihai:-

Hmar nauhai mihai lai ah suong ding iengkhawm einei ve naw lai khawma unauhai mi hmusit theinawna chu Kum 100 liemtah hnunga khan, Senvawn Hmarkhawpui ah Gospel Chanchintha hung chawk lutin Chanchintha Mansapui bangna eini ve tlat lei hi anih. Hi Chanchintha thilthawtheina lei hin, ei phak teulo ding, ei ban phak teulo dinghai ban phakin, eium ve theilona dinghaia bu` khuorin Guwahati Brahmaputra Valley laiahai chen hin umhmun det neiin eilo chengve hiel el an ta hih.

1) Nisielakhawm, Gospel Centenary Celebration, Guwahati programme GHCF hminga siema um hi hang bi vuot khawmin, Hmar nauhai a huoihawttu nibawk, Gospel Chanchintha khuoletui hmasa nibawk, Hmar hming inlangna hrim a um nawh. Ei I suong ve dinga Lalpa Pathien in hnam ami pek hi eiinzapui am a nih?.
2) Ei Hmangna ding State Assam le a hmun Guwahati hi Gospel Centenary an hmangna asawt takhawp`el; 200 years an phak vang an tah. A programme hming – Gospel Centenary Celebration, Guwahati ti hin mipui an buoi anih. Guwahati Hmar Worship Service/Hmar Christian Fellowship, Guwahati Centenary hlak chu ala ni bawk si nawh. Iengleia Hmar hming ei zepsa ngam naw am nig ata?, annaw leh, kum 100 ei ilawmve tum tak; Manipur South Gospel Chanchintha Centenary Celebration ei ziek el nawm ana?
3) Chanchintha lungphun eilo tumve a khawm hin, hi Gospel Chanchintha Centenary andik takpa hi ei ziek naw chun, alungphuntu leh, a hawngtu leh, ala hung tiempeihai ta dingin, buoina lungphun la hung ni lem a tih.Ei inchawm hma a ei tlakna ding enfel tha hleng a tih.
4) A programme hi Saptawng (English) programme ani awma, a changkang rura hmel khawp`el. Lalpa Isu Krista thlatubul, Lal David chun, tar- lezurhai, nau-nuhmei le nau-pasalhai nuhmeihai thang lovin a Lalram a hluo nuom naw a, A Lalpa kuomah, “Hnawt lang hnawt phak ka ti ?”, tiin Lalpa a insukhratin, Lalpa hnena in a kuom tieng a thouikir vawng a ni kha!. Ei programme a hin chu numawl le pamawlhai, naupang school/college hung kai thei tawktawk hai ta dingin lalpa thlarauva hlim an taka wm ngawt`el.
5) Ei hmangna ding Hall hlak chu a changkang rura, ei Fellowship khawma Concert na a ei hmang hnung a ni kha, Stage a Performerhai chau naw chu, inhmu ngaina khawm umlo, I hung le I hungnaw ka hriet naw ang bawkin, ka hung thang le ka hung than gnaw hrie naw ti nih.Pawisa indeinaw zinglaia ding chun per day Rs.25,000/- x2 =50,000/- + 10,000 to 20,000/-chu a tam taluo naw am anih?. Gospel Chanchintha mi hung elvartu, Thlarauthienghlim hung tlunga, Halelui dupdup chu tumtak khaw nisien a hawi naw ngei. Ei Inkhawmna Biekin GBC hai dam hi ei lunga tlu thei hlawl nawl a ni?
6) Chanchintha Ruoi ropuitaka the ding eiin sawnlaiin, Political leader le Hindu kulmut Vai Minister in ami hung Chief Guest khum ding nawk nghal, Hon`ble Minister hin ieng thlarau am hung phurlut tang ata, ngaituo tham tak a nih. Annaw leh, ei hotuhai hin mani hmasieltaka anlo fiel ellem ama nih.
Programme Page 2
7) GHCF hai ei vangnei emem a, Pastor 04 ringumtawk thelthawl, Hmar lai chau nilovin NE States Christian community laia khawm hming neithei thal, thlaraua dangcharhai, phingtamhai sukkhawp hlaktu, thlarau inhmanghai sansuoka, mi-tluhai keitho hlaktu ei neia, kohran Upa ordination chang tah 03 le Upa thlangthar 01 einei bawka, Local Committee ( Executive Committee ti a kove ngat) mi 08 dang eium bawk. Executive Chairman, Executive Vice-Chairman, Executive Secretary, Mission Board Chairman, Evangelism Chairman, Treasurer, Finance Secretary, Property Secretary; Thalai Leaders; Nuhmeipawl Leaders hai a ko kha ei nia. Amiruokchu, ei Program enin Dr.(Rev.) H.M. Songate in Day-I Leader First Session le II Seesion Leader an hlawma, Day II Leader I Session ah Leader : unau Kukihai Mr. L.L.Khongsai, Kuki Worship Service, Guwahati le II Session ah Dr. C. Chonzik hai an nih. A programme details hi bi chieng taktak chun hmelhrietnaw-karhla mihai an tam ngei; Serampore Bible College chen ei suk phak a nih.
8) Guwahati Hmar Worship Service (now Guwahati Hmar Christian Fellowship) lo indintuhai Gospel Cenetenary Celebration Committee a hin ro`lerangah theinghilin an uma, Committee Black-Board list ah an hming zieksa anni ve nawh. A salam tlak le vai hnung-rama an hming committee member a inchuonve nihai sienkhawm an thu a fe ta naw a, Gospel Centenary Platform ah ngaidan tha hrilna ding chance pek anni ve ngai naw bawka, “ruot ta chu ruot tah, ti ta chuh ti tah,” tiin, namnu`l program a hung inching an ta hih. For example; ei zo tawk ding program a ngaidan, mi-fielna thuah, lungdaw-thu ah, a hmangna Hall ding thu ah le a dang dang ah Celebration Chairman le Secretary (the then, Executive Chairman & Secretary, GHCF) ngaidan naw chu a fe thei hlawl nawh. Souvenir– article thu ah lem chu iengkhawm ei hriet hma`in a cover ding iengtin am, a dang po chu zo vawng an tah, an zo vawng ta hnung hai hi ngaituo thar thei an ta ngai nawh.
9) Finance thu ah eiin chek emem el – Annual General Meeting a Budget chengkhat khawm belsa theilo, Executive in tul le pawimaw ati hlea, lo theilo thila ngawtnaw chuh suk danglam lo ding ti hlak kha, ei baw-pel ta vawng. Programme siemna dinga Rs.10,000/- limit chu Rs.17,000/- a bul tanna a hmang nghal a hung ni ta a, Uniform Rs. 1 lac chuong nita a hriet anih, Hla inchukna Rs.30,000/- khawma deilovin, Thalai Founding Day (12/09/2010) ni khan envelope semin, thlaihai inkhawmna ah donation dawl nawk hiel a nih.
10) Invitees : mi fiela umhai hospitality inruoltakin (uniformly) ei pek thei dim!, a then Bus ah, a then Vuongna ah, a then train ah, duot bik le duot lobik um ta ngei an tih. Umna thu ah ei fielhai popo intlungtirna ding le an fak le dawn dinghai hi, huphur aum ta baka!. Ei Fellowship Hall, Lungphunna ding hmun le ei hmangna ding ITA Centre inkar ringawt kkhawm hi Guwahati khawtawp le tawp, transport a buoi thlak awm khawp`el; banphar dinga Altar-Call ei thaw laia hlimlo banpharhai khawm thangtlanga, theitawp eisuo ve angai an ta hih.
Conclusion: Hi Gauhati Hmar Worship Service (GHCF) hi Mizo Service le Zomi Service a inkhawm zinglaia, sel tung-selhla a, ei tlangvalhai anmi phurpui ei nuom luotluota, Tv. Thanghlun inhluo ah 6th September,1992 (Sunday) a khan tan chawtin, Upa L.T. Hmar, FAO, Govt. of Assam Guwahati a hung training lai Chairman a lo hmang le Family a inhluo hmasa Pu L.K. Varte, Secretary le Pi Lalromawi Varte, Treasurer a hmangin lo tan a nih. Pathienni vawihnina Thanghlun a umnaw leiin, Pu L.K. Varte Inn Kharguli ah in sawn tungin, chutaka inthawk Satribari Church ah, kum 2 hnungah Christ Church, CBCNEI Auditorium Hall, chuongang peiin, GBC ah insawn tungin tu chen hin GBC a hin inkhawm ei ni a, intheinghil rumrum khawpin ei hung pung ta ani hih. Ei in dinna santak chu Hmar nauhai le Hmar tawng hmang ve le hmang theihai ta dinga Plat-form ni fawmin, mani tawng ngeia Gospel Chanchintha ei kuoma peka um hi Van nghawr phak ding khawpa Pa Pathien hang Worhip ve hi anih. Students Guwahati a hung thlang-thla hai ta ding bik tak khawm a indin a nih. Tuhin, hung lien peiin, Guwahati Hmar Welfare khai khawmtu niin, HSA Joint Hqrs. le Guwahati Hmar Christian Felloship chen hung indin suokin, tlinle tlinlovin unauhai ta dingin thei ang le tlintawka thale`zung eilo seng ve hlak anih.. Hieng pathumhai hi Guwahati Hmar mipuihai inkhai khawmna ani leiin ei Hmar nina Identity hi humhal a tul hle a nih.


*About the author: Pu Varte is the founder member of GHCF and Chairman of GHWA

Post a Comment

  1. HMAR HAN HMAR GOSPEL CENTENARY EI LA HMANG NGAM NAW A SUKCHIENG NGEI A MAW.

    Khawhe! "HMAR GOSPEL CENTENARY" TI'N PROKRAM SIEM EI TIU LEH

    ReplyDelete
  2. A ziektupa hi Gwahati a um a ni? a ni chun program siem hma khan rawl lo nei sien tha ding bah. A al ta bah.

    ReplyDelete
  3. A ziektupa hi "Guwahati Hmar Welfare" Chairman & GHCF Local Committee member ni lai zing an naw ma ni ! Iem an ta ding maw ? hieng ang artikul a hung ziek el ta hi!

    ReplyDelete
  4. iengkhawm nisienla, rawt tluka um ta chu hmang tho ding ning a ta. A tha tak pa chu Inngaitlawm taka thuhnuoirawl taka, 'attitude of Jesus' humbleness kha hmanga program siema um ta chu zawm ve ngei a tha. Chanchintha lawm ding laia buoina inremnawna suok hi thil indik a ni naw khawpel.. Hlim deuin Pathien ropuina ding chovin hmang dingin ka ditsakna kan hlan...
    Ralsun

    ReplyDelete
  5. POMZAM POLICY kuhih Hmar han ei thaw hla tak a ani. Pawmzam lo a hienga insiem that theina ding a hung ziektu pa thu kuhih zawm lem hai sien chu buoina um lo ding bah! A pastor, upa etc ni leh an thilthaw mawinaw hai ei pawmzam pei hi bansan zai rel a hun.

    ReplyDelete
  6. Program kawr kawm desugn lem hi chu Paite rong a ni hih Lolzzzzzzzzzzzzzz

    ReplyDelete
  7. A ni ngei hi tie. An porogram color chu... a hnamchom color ngei de.

    ReplyDelete
  8. INPUI ku hi, hei in sign up na ding ka hmu naw ngei, hi hi hi...

    ReplyDelete
  9. I ei lo leh e ṭeuh la ani mai alawm

    ReplyDelete
  10. Gospel hin Hmar nau hai ami chawisang ani hi,Hmar rama Gospel hung lutin Hnam tin lai an dar ani kha, Hmar Gospel Centenary ti ding ani hrim.
    L.Th.

    ReplyDelete
  11. Hmar Gospel Centenary indik tak ei la hmang thak naw a nih. HCLF hai bek hi chu ni ta awm tak. Siemthat theina huna um sung hin prokram kawr rawng(peite puan color) le a dang dang mistake umhai siemtha vat el hai sien ni ding.

    ReplyDelete
  12. A va hang ti dik char char de aw. Mani tadinga thaw nekin mihai tadinga hi prokram hi riruong a ni hih

    ReplyDelete
  13. Ana! a program kaw`m tiel kuolna khawm hi Paite puon zie kherkher an hmanga, Hmar puonzie nal taktak a tam vei leh.Program a hming chuonghai hlak hi Hmar hming ni awmlo taktak a tam bawk si.Guwahati a unauhai hi inlo Hi Fai rura,ei studenthai kha hmartawng intheinghil tir zo hlau inti kha!

    ReplyDelete
  14. Ngaidan thra thawlawm ringot ni lo in phursuok hieng ang hin phursuok ngam hlak inla chu ei changkang lem ding a na. Pomzam polisi hi bansan zai rel a hun ta hrim a nih.

    ReplyDelete
  15. Guwahati hai chu vengtieng kohran politics in a chim ve an ta maw. Mi pawimaw le var ang deua eiin ngai zing lai min an mi ngai pawimaw naw hin chu a tuor an tak hlak reng a nih. A ziektu pa hin Constructive criticism a hmang naw a, lungsenna nei leia a ziek ani ti an hriet thei. Points thenkhat lem hi chu naupang lungril kawi hai ziek nisien a ang.

    ReplyDelete
  16. programme an siem lai a ziektupa hi an rawn naw lungawinaw ani hi ti maw? :)

    ReplyDelete
  17. Prokram siemtu hai thaw diknaw lieu lieu ning a tih. Hang en sin ta um ie. Peite puon lim in Hmar Gospel Centenary prokram kawr an kawp el dam hi chu ngaithiem intak tak a nih. Ziektu pa i thaw tha taluo. Mihuoisen i nih.

    A chung char a coment tu (Anonnymous)hai khi chu midawizep ruol, thaibawi ni em em an tih.

    Hmar han ei ching tha naw em em el chu: Anti-establishment deu a thil ziek le hril a ni pha MI DEM PEI PA/NU mi inhlawtir pei hi a nih. Progresive taka lekha Pu LK hung ziek hi a lawmum in insiemthatna in THUNEITU hai hin hmang vat hai sien tha ngot a tih.

    Siema, Ghy

    ReplyDelete
  18. Khawpui dang danga Hmar umhai hi Fellowship, Welfare le Student Association pumkhata ei um tlat naw chun inthuruolna le hmasawnna a um thei nawh. Tuta in programme hi chu a ieng ieng khawm lo ni sien, in lo thaw ta laklaw a ni leiin tha takin hmang tum unla. Hi in hmang zo pha leh nasataka thang lain in siemtha ro.Hotu tha, mani thu du talaw lo le hnam ngaipawimaw mi naw chu thlang ta naw bawk unla

    ReplyDelete
  19. Chairman thei ding an um nawa, mi dang an hired ani awm hi tie,Mak thei ngei.A hung ziektu pa hi Mi huoisen ani hi,hieng anga mi kal ngam an um hi zawngsak ta aw ni hai.
    Lala Bangalore

    ReplyDelete
  20. Ei Centenary hmang ding chu ei phur bek naw ka ti hi hieng ku hi alo ni lei ani awm hi tie,chak a um ta naw ngei.Hotu hai hi tawngtai pui ei tiu, Zakai pawisa in Centenary hmang pal rawi ei ti, ti aum.

    Guwahati Pa

    ReplyDelete
  21. Iengkim program an duong zo phing a ziek chu aṭha tieng nekin aṭhanaw tieng a kawk thei. Chuleiin, hieng ang a thil ṭha dit si ani chun, a hma deu khan ziek sien, annaw leh centenary hmang zo pha leh a nuom leh sawisel sien.

    ReplyDelete
  22. A ziektupa hi ka lo ngaisang thei vei leh, a thil sawisel dan hi a nuhmei lungril.

    ReplyDelete
  23. A hun taka hung lem a ni hih. Sukdik thei na ding hun a la um a, sukdik thei po ding hai po chu sukdik el ding an nawm. I JUST HATE PAWMZAM POLICY!

    EVEN If it is not for Pu LK's sake, please make corrections at least for CHIRST'S SAKE!!!

    ReplyDelete
  24. Vaihnu or prokram zo vawng hnunga hung comment chun umzie a nei thei ngai bek nawh. En hman ro!! COmmonwealth Games chungchangah khawm an tan hma in a sietna le siemthat thei popo hril a nia, chunong hai lei in tuhin hrat zuol in sin an thaw a ni hi te.

    Awktalaklaw ti a PROKRAM thleng theilo dinga prokram siemtu chu mi var ni ngai naw ni hai a. an thahnemngaina khom thatna nekin sietna siemtu ni hlak a tih.

    Lalsang, Shillong-14, Meghalaya

    ReplyDelete
  25. Pu. LK Varte Hmar Runpui Inneitupa mi harsahai ilo thangpui hlak ang bawkin, Guwahati Hmar mipuihai muolphona ding ahun taka, ihung vawrsuok hi, kan pak che, i huoisen bawk. Athei hram chun Prog a arawng hi chuh tlak thei hram inla chu atha (ahnam hnuoi hnung tlak deu chu anih ie). Ahming ruok hi chu Gospel Centenary Celebration ti hi andik ka ti lem ngei.

    ReplyDelete
  26. Lk Varte ang bawka ngaidan nei an tam,an hril pei naw ani.In dik tak chun Varte ang baka in pe zo,mi lutna suokna family ghy a hin in um that naw. Pastor ka ni e,hotu ka ni e ti hai ku hi In insunga tui tak ngiel dawn khawm kahaseh.
    Guwahati Student.

    ReplyDelete
  27. A ziektupa hi ka lo ngaisang thei vei leh, a thil sawisel dan hi a nuhmei lungril in ti maw, bulsuttu theinghil a um, mipui hriet dinga a hung phawr suok ngam el hi SAKEI AKHAWM ABAKNEI HAI NEKIN AHUOISEN LEM KA TIH.

    ReplyDelete
  28. progrm buotsaitu hai khwma thil tha ding anringa theitwka anlo buoipui ve niding ana mw....annwle a haihwpui anchel lai2 an du2 an thur dwk vat22 el am aniding mw???-ghy

    ReplyDelete
  29. Hnam dang puon i chu hmang naw hram hai sien. Upa haiin a hnaisainawh an ti kha ku hi a nih. Inti var taluo ding an le. Committee member dang hai ngaidan khom lak hlak ding a an nawm.
    Lalsang

    ReplyDelete

Comments not related to the news or article may be deleted.

Powered by Blogger.