Jun 8, 2011

Hmar National Army supports Kuki State

8.6.11 - By Inpui 3

Rengkai: The Hmar National Army/Assembly (HNA) in an explanatory statement issue here on Wednesday said that it supported the movement for a separate Kuki State in northeast India by bringing the Chin, Kuki, Mizo, Zomi and Hmar tribes under one administration.

“The main aim of the Kuki State demand Committee is to bring all tribes who has Sinlung/Khul origin… Tribes like Chin, Kuki, Mizo, Zomi and Hmar needs to unite towards this goal,” HNA statement said.

Read the full press statement in Hmar.

HNA chun, KNF (P) le UKLF in 2011 June 3rd le 4th ni a KSDC chungthua thusuok an siemhai kha ngun takin a thlir a. Chin, Kuki, Mizo, Zomi le Hmar mipui kuomah hrilfiena siem tula a hriet leiin, a hnuoia ang hin thusuok a hung siem a nih.

  1. HNA hi Biblical & Historical base a indin ani leiin, NSCN (IM) leh thawtlang dinga thuthlukna siem fel vawng nisienkhawm, 2006 kum bul khan, KNO fielna chu ngun taka thlirin, “KNO-in Manipur sunga Sinlung/Khul suokhai ta dinga State a demand hi HNA Manipur Region chun a thlawp” tiin ziek ngeiin KNO le HNA chun thuthlung chu an lo siem ta a nih.
  2. HNA thiltum tak chu, Sinlung suok Chin, Kuki, Mizo, Zomi le Hmar hai hi inpumkhat nawk thei dan (Re-Unification policy) hi a nih. HNA thiltum hi hlawtling ani theina ding chun, khawvel pum huopa hmelhriet (identify) ei nina, Chin, Kuki le Mizo hai pathum hin, State nei ninga ta; chu ding chun, Chin State le Mizo State chu a pieng taa. Kuki State or Kuki hming besanin State chu khawlam pieng tanga tia? ei ti chun, tuchena Kuki neitua insal ngam le Kuki hming la put zingtu, Thadou tawng hmanghai Sinlung/Khul suok sunga majority an nina ram Manipur tlang ram a ngei hin a pieng ding a nih, ti hi HNA hmu dan a nih. Chuleiin, Manipur sunga Khul suok hai hi ei zalen theina ding le mani ram ngei, ei pi le puhai ram lo satsa British Sorkar ngei khawma India ram alo awp laia ei pi le puhai ram ani zie pawma PATA ngei khawm alo pekna ram hai hi, Thangtharhai hin tu dang mi sukbuoi ta lova mani ngei ro ei inrel theina dinga hma la ngamutuhai chu HNA chun a thlawp vawng a, KNO chau hi a thlawp tina an naw a nih.
  3. Delhi Declaration chungchang: 2010 September 18th khan Kuki Inpi Manipur chun, Manipur sunga Zohnathlak huom sunga UGs popo inkhawm a ko a, UGs KNO le UPF huom sunga mi a chun ZRO/ZRA chau a fe naw a nih. HPC (D) le UKLF chun Civil mi an tir veve a. HPC (D) palai chun, “Forgive & forget” ti hi thupuiin hmang ei tiu a, Hmar ngei khawm hi Old Kuki Group ami kan nia, Manipur sunga inthawka inlak hranna ei nei theina ding ani phawt chun Kuki hminga State demand hi a poina iengkhawm aum nawh” tin a hril a. UKLF palai chun, “Phone in an mi hung hrila meeting naa khan lo va thang rawh, an tia ka hung tawp el a nih” tia hrilin, Kuki State demand tha ati thu uor takin a hril bawk a nih. Hi meeting a hin, “Kuki State Demand nisien” tiin thuthlukna (Resolution) siem ani a. Chu pawmpuina chun member fekhawmha’n lungruol takin ban an phar bawk a nih. Kuki State Demand dan ding chu KIM in hma hung la sien ti ani a. Chu thil chu bawzuiin, KIM chun “Family Get-together” chu huoihawtin, Kuki Inpi Manipur, Zomi Council, Hmar Inpui le Mizo Peoples Convantion (MPC) hai chun, Common Platform or Nomenclature ding ngaituoin tum thum lai an ngaituo hnung khawm chun, Zomi (Paite) le Kuki (Thadou) inkar boruok chu thlirin, Solution pieng thei dinga beisei ani naw el bakah, Civil Society sunga ngaidan nei thei tamtak hai ngenna chu zawmin, Kuki Inpi Manipur chun huoi sen takin 2010 November 2nd khan KSDC chu alo indin ta a nih.
  4. Kuki Inpi Manipur-in Hmar Community chu ringzoa Hmar mi ngei KSDC Chairman-a a sie el hi, Manipur sunga Hmar hnam el ni lovin khawvel pumpuia Hmar hnamhai chun, AD 800 vel a, Chin, Kuki, Mizo, Zomi, Hmar ti hminghai a pieng hmaa pumkhat ei ni anga pumkhat eini nawk theina dingin Pathien chun, Kuki Inpi hi hmangin Hmar hnam chu ngirhmun pawimaw takah a hung sie el hi a ropuiin lawm a um takzet a. Manipur sunga inthawk hin Kuki besanin State pieng zet a ta; chu zova chun, Sinlung suok, Chin, Kuki, Mizo, Zomi le Hmarhai hi ei insuikhawm thei ding chau ani sia, tiin phur takin rorelna hran ei nei theina ding lampui hrawna kawngah theipatawp suo kan tum mek lai, Kuki hming put bawk sia KNF (P) le UKLF in khanga thusuok an siem el kha, an thangsan hai le an suollamhai khan belchieng a dawl am? an nawle, mipui beidawng manganga inrum mekhai ta ding hin hnemtu a tling am? tihai hi ngun nawk zuola ngaituo dingin KNF (P) le UKLF hai pahni chu HNA chun a ngen a nih.
  5. Kuki ti hming hi historian thenkhatin, “Bengali hai mi hmusitna tawngkam a nih” ti le, “British hai miko nawmnatna a nih” tiin hril hai nisienkhawm, ei thlatuhai lungmawlna leiin Hnam hmingin ei lo put sawng chu ani ta a. Sienkhawm, Kuki hi Dist pakhat chau khawm la awp lotu ani lai zing, State demand chu hrillo, NATION ti hming chawi ngam ngat le ei unau mi tamtak lu lo phum phana ani leiin, ei chawisang a tul takzet a. Kuki hming chawia Revolutionary Party hai lek lem hin chu, Chanchinbu haia thu insuona chungchanga hin fimkhur a ngai hle ding a nih. Chuongnaw chun, mi hmelmatu le mi sukchimit nuomtuhai ta dinga remchang siem pektu le, ei hnungtienga inthawka an mi nui eu theina ding siem pektu ni hlau rawi ei tih.
  6. KSDC hi Tribe 22 sunga Apex Body-Kuki Inpi-in Chin, Kuki, Mizo, Zomi le Hmar hnam sunga UG-hai ngaidan bakah intellectual persons le Bureaucrat hai ngaidan huoisen taka fepuia andin ani leiin, a lampui hi tukhawmin dal nawng ei tiu a, ei theina zawn senga thangpui dan zawng seng ei tiu! Abikin UGs group-hai lem chu, SoO agreement nei, Ground rule kal zawnga chet chu thil remchang lo ani ta si leiin, mani designated camp seng haia inthawkin a tul dan ang anga lo thangpui seng hi ram le hnam ta dinga ei sin thawtheina ropui tak ani ding a nih. Einihai lem hi chu NSCN (IM) le GoI inbiek chen inbie ding chun, ei mipuihai hi ngaituo an um hle ding a nih. Chuleiin, ZRO/ZRA ngei khawm, Manipur sunga Zohnathlak / Khul kuon harsatna hi lungril ngaituona lien taka thlira a sukfelna ding chungchanga hin thlirna tin renga inthawka a thlir a tul takzet a nih. Asanchu, Manipur sunga ei harsatna hi sukkieng ani chun, Zohnathlak Chin, Kuki, Mizo, Zomi le Hmar hai Nomenclature ding chu ‘ZO’ ti hming khawm hi ani thei a nih, ti hi hrea; Manipur sunga ei harsatna sukkieng theina dinga KSDC hmalakna hi a do zawng le a kal zawnga chet tum lo hram dingin ZRO/ZRA chu HNA-in a ngenin a fiel a nih.
  7. A tawpna taka dingin, mitin hriet tul le makmaw chu, “Ei ram del chin hi Pathienin ei thlatuhai alo pek ram chu ani a. Hi ei rama hin ei unau Meitei le Nagahai chu ami sukbuoi tham an cheng nawha; ei chunga khawm thuneina an nei bawk nawh: roinrelna khawm ei kuta um a nih. Sienkhawm ei ro inrelbawl dan a mumal naw leiin ei hmasawn dan khawmin mumal anei thei bawk nawh a, chu ei roinrel dan mumal lo chu sukfel tumin hma ei lak ta lem chau a nih. Chu umzie chu ei ram politics fe dan ei nghawk a, Silai ei chawi a, ei rawihai harsatna le an beidawngna hrehman lek loin tangka sum zawng buoiin ei buoi a. Hnam sipaia insal ngam thenkhat hlak chu afalin ei hei um met a, hnam politics umzie khawm ngaituo lovin pawl thar ei indin ngam pei el hlak bawk. Chuongchun, ei mipuihai harsatna khawm chu hmu thei ta lovin silai hmangin sum zawng buoiin ei buoi mup mup a, ei inthat a. Ei thuneina insang tak, khaihlum theina power le kaphlum theina power-hai hlak chu mi hnuoihnunghai chungah bukna indik khawm zawng zen zen lovin ei hmang hlak a. Mi lien mi lal, mipui sum hlepru hmanghai chunga hlak tangkasumin ei thuneina insang tak chu ei zawr nawk el hlak bawk si. Election thua hlak, mipui roinrelna (democracy ram) ei nina hrim inlang ta lovin, thawtha deua inngaihaiin ‘selection’ ei thaw a. Thawtha nawk zuol deu hleka inngaihai nawk thung chun, silai leh bollot-box nghakin, ei ti naw zawng vote tumtuhai chu hmaimawk le tia inthin zawr zawra tirkir hlakin,ei ti naw zawng, tling inbeisei vea sum tamtak sengtuhaiin an dam sunga an theinghil ta ngai lo ding lungril natna kumkhawhri ding ei siem pek hlak bawk. Ei khawsak zie chu ei unau Meitei le Vaihan ei hnung tieng an mi nuisan vur vur a, eini hlak chu a thei tak rawm insawnin, ei kiu ei khawr a. Chuong ei buoina leihai chun, ei chungah khau takin ei unau Meitei le Vaihai chu an hung inrawl ta lem chau a nih. Chuleiin ei rama hin fumfe tak le indik taka ro ei inrel theina ding chun mitin ei pawimaw a; chu hmathuoitu ding chun Pathienin KSDC hi an din a nih, tia ngaidan neia beiseina insang tak nei pum zinga mani umhmun sengah ei lo thlir ringawt ani khawmin, ram le hnam ta dinga sinthaw ropui tak ei ni ta tho tho ding a nih, ti hi hrie seng ei tiu.
(H. R. KHAWBUNG), Secretary Information & Publicity, Hmar National Army

About the Website

Inpui.com was born on October 11, 2008, to fill in the void left by DelhiThurawn.Net and Hmar.Net which were shutdown for various reasons. Taking small steps at a time, Inpui.Com's success story is due to consistent cooperation among various contributors and the volunteers. We now have thousands of posts covering diverse topics about the Hmar tribe, both in English and Hmar. In fact, it has become a 'storehouse of information about the Hmar community' - the primary objective of the site. Follow Inpui @hmar
View all posts by admin →

Get Updates

Subscribe to our e-mail newsletter to receive updates.

Share This Post

3 comments :

  1. Old Kuki ..Kuki indik tak chu Hmar hai ei ni hrim anih. Nisienlakhom, Hmar inti Mizo vieu ta si hnunga Kuki inti nawk chu a thra dim maw...............

    ReplyDelete
  2. Point 2 na a khan Kuki le Mizo hai pathum hin khawvel pumpui hriet a ni a tiin an ziek khi ka ngaipawimaw khopel. Hmar khawm khawvel in a hriet ve tho an naw maw? India sawrkar khawma a hriet ve an naw maw? Hmar nau thahnemngai tam takel in khawvel hriet a Hmar hming an suklar t''ak hnungah HMAR hming khawvel in a la hriet naw anga thuziek a hawi a. Internet khawvel a en ding lo ni hrim inla khawm Hmar hming hi Kuki nekin a tam lem el thei a ni.

    Google data: Hmar- About 1,450,000 results
    Google data: Kuki- About 8,640,000 results (Kuki result hi Kuki "as a hnam" ni lo thil dang dang hrilna a tam lem)
    Google data: Thadou- About 62,700 results

    Kuki State hi tha ka ti a, nei ni ngei bawk sien ka nuom. Nisienlakhawm, Kuki state ti ninaw sien. Sinlung State or NEW ZORAM ti ni lem sien. New Zealand ti ang deu hin NEW ZORAM ti hin ei dam ruol seng ka ring.

    Lalrampan

    ReplyDelete
  3. Assuming that Nagas in Manipur are given some alternative administrative arrangement the same status must be given to the Kukis also.

    Secondly; During colonial period all Non-Nagas were Kukis therefore,the Kuki State is the most approriate one

    Thirdly; Even otherwise, the so called present Kukis are the single largest community. In Manipur context they are still a strong force to reckon with. There can never be a State in the name of Hmar or Paite or Zo in Manipur. Since we are erstwhile Kuki during the clonial period, it is quite reasonable to support the creation of Kuki State in Manipur......

    ReplyDelete

Comments not related to the news or article may be deleted.

Internet & Computers

Hmar Online Museum

Hmasawnna Thar

VIRTHLI

TLÂNGSAM

back to top