Halloween party ideas 2015

By Eric Fimate

Aw kan Hmar Ram tia hlaah ei tarlang phat phat hin Hmar Ram hi changkanglo talaw ni awm takin “Aw kan Hmar Ram inthim tlang dum duoi” ei tih a (a hla thu umzie ei hriet lai zingin a kawk danga um thei a nih). Chu khawm chu la dittawk lovin Hman Politiks inkhel nek nekin Politiks umzie bo inkhelin ei insuk mup mup zing a. Taksan tieng khawm ei hrisel thei tanaw ani hih. Zunthlum invawi leh, stroke nei pawl leh, B.P insang nei pawl leh, Hepatitis invawi pawl khawm ei pung deu deu. Zani lai chaua Hnam hung pienghai khawmin an mi lekhel vang vang an ta hih.

Indem ei hrat ang bawkin inchawisang tieng khawm hratin a muol muolin la duok duok ei tiu. Leh, ei lo hriet ngai naw khawm a lo ni el theia. Muolbem tlangval T.v Ronald Sinate hi hril hlaw khawpa nina nei a lo ni zing annawm ie.

Tulaia
hangtharhai hi Football ei inhnik tawl em em a. 2022 phata Brazil Rama F.I.F.A World Cup um dinga thu um khawm hi ei ngaivenin ei phur tlang ta hle ring a um. Foot Ball chungchang hre naw mang ei um naw leiin T.v Ronald Sinate nina hi ei hriet hle ring a um.
Ama hi Field sung-ah ball hnawtin a tlan vur vur ngai nawh a. Ball pet indik le felfai taka inkhel ani theina dinga a laia mutri muttu ang kha a nih.

Ama hi 2011 May thlaa A.M.F.A (All Manipur Football Association) REFEREE tling a nih. Chu chau chu a la ni nawh. A.M.F.A a FIRST CLASS REFEREE nilai zing a nih.
Chu bakah A.I.F.F (All India Football Federation) hnuoia RING NUMBER nei a nih. Hi RING NUMBER neihai chu All India a OFFICIATING thaw thei an nih. Hi poa hin dittawk chu a awm viu lai zingin thu lawmum nawk zuol a la um. Kum tlawmte hnunga F.I.F.A Referee ni thei ding Hmar Tlangval ei nei ei hriet sun a nih (a dang an lo um khiet diem chuh…).

Field sunga khelhai chau hre hlur lovin hieng khawm hi hriet hlaw chie a nih leiin CHAWISANG in THELAR nawk zuol ei tiu.
State danga eini umna Hmar Ram hmun dang danga khawm Football tournament ei huoihawt chang sawr ding theinghil ngai nawng ei tiu. Sawr hangkai ei ta, milai thelar bawk ei tiu. Eini naw midangin mi thelarpek nawnihai ti chu naute chen khawma hrieng an tih (awng uorna).

A hming suk vul ei tiu ka Hmar chanpui inzaum tak tak hai… chu ding chun kal pen dingin ka hung fiel cheu a nih.

Post a Comment

  1. Tiem anhoi khopel. Hung post pei ro chanchin ngainuom um deu deu

    ReplyDelete
  2. Hotupa Alan, I hung post tha khopel. Chanchin dang dang khom hung post pei rawh.

    ReplyDelete

Comments not related to the news or article may be deleted.

Powered by Blogger.