Halloween party ideas 2015

By L.Keivom

If you talk to a man in a language he understands, that goes to his head. If you talk to him in his language, that goes to his heart. -Nelson Mandela

Kumin 2013 January leh March khan mahni duhthu pawh thlu loin, trŭlna avangin India hmar chhakah ka zin tawh a. June 1, 2012 atranga chik taka Baibul (Delhi Version) ennawn lehna (substantive revision) hna ka tran tawh chu kum 2013 chhunga chhut leh mai theih tura peih fel ngei ka tum avangin thla ruk chhung chu Delhi pawn khawiah mah zin chhuak lo tura rilrua intiam titih ka ni a. Delhi Version hi kum 2007-a chhuah tawh a ni a. Mahse khami hmaa lehlin, kan lo baihat leh ngaihthlak thran tawhte khan hriat loh hlàna kut a hruai thrin avangin siam thrat ngai tam tak a awm a. Chungte siam thrat leh thlak chu hna hautak, sawisel hlawhna a ni a, mahse kan trawng kalhmang ni lo leh Pathian thutak nena inpersana khami hmaa kan lo dahte siam thrat chu Pathian zahtu leh trihtu chuan tih ngei a trûl si a ni.

Entirna pakhat chauh hmangin sawi fiah tum ila. Chu chu ‘inthawi’ tih kan hman hi a ni. Israelte emaw, kan pi leh pute emaw khan Pathian an bia a, Pathian hnenah an inthawi ngai lo. An inthawina chu ‘ramhuai’ hnenah a ni zawk. Baibula Kanan mite kha an milem pathian Baal leh milem hrang hrang biain an hnenah an inthawi thrin tih kan hmu. Mahse, khami hma lehlinah khan Israelho ‘Jehova’ leh an chhehvela hnam hrang hrang biak pathiante chu bawm khatah dahin, an hmaah kan ‘inthawitir’ vek a, a pawizia kan lo ngaihtuah chîk loh vang pawh a ni mai thei. Ziaktu hmingthang George Orwell chuan, “If thought corrupts language, language can also corrupt thought” (Ngaihtuahnain trawng a tikhawlo thei ang bawkin trawng pawhin ngaihtuahna a hruai sual thei) a ti a. Kan Pathian ngaihruat dan le biak dan hi chik taka kan bih chuan, kan puithiamten ramhuai hnena an inthawi changa an inthawina sa thra zawng anmahni tan hawn a, ei tlak loh zawng ramhuai hnena an hlan thrinna thinlung, inbumna rilru khan kan hriat loh hlanin kan hnam nun a hruai nasa hle tih hi kan bih chian a hun tawh khawp mai.

Hemi thil avang hian, Baibul ka lehlin laiin Pathian nen inzawma ‘inthawina’ trawngkam kan hman hi ban daih ka duh a. Mahse, mi mitmei venna avangin, kan kawmitiin thlak rih loh thrain an hria a, chutiang chuan kan hmang zui ta mai a. A hnua Pathian nena inzawma hemi thu mal kan hmanna ka chhiar apiangin, thrutna tlar khatah Pathian leh ramhuai kan thruttir avangin, chu chuan thin hnûna invih ang maiin mi khei thrin a. Tun trum hi chuan Kaisara thil chu Kaisara hnenah kan pe ta vek a, Delhi Revised Version hmangtute chuan Pathian hmaa inthawi hi an bâng tawh dawn a ni. Chutiang bawkin, keiniho chuan hmai sil loha kan phih thrin avangin ‘Siloam dilah va sil rawh” (John 9:7) tiin Isua pawh Zo trawng dik lo kan hmantir duh tawh lo.

Hetianga ka buai chamchi lai leh kum 1973-a ka lehlin tawh, Rabindranath Tagore-an kum 1913-a Nobel Prize a dawnna ‘Gitanjali’ chu October vela chhuah hman tura rawn ennawn a, peih fel turin Manipur University atrangin ngenna ka hmu bawk a. Hei hi hna hautak, Baibul lehlin ai daiha harsa zawk a ni a. Kum 40 liam taa ka lehlin kha ka han bih nawn leh chuan duhthu a sam lo nasat bakah ka lehlin dan sitail (style) kha tuna Baibul ka lehlin dan teknik (technique) nen chawhpawlha lehlin thrat chu thra zawk turah ka ngai a, chutiang chuan ka inkhâp thlu a. Chumi tihna tur chuan thla hnih vel chauh hun a awm tawh a, mei kawha beihpui thlak a ngai dawn a ni. Chumi ruala ka fawmkem tur chu kar tin chhuak kan tri-lingual magazine Delhi Thurawn (DT) a chhuah tur awl loha thu mal 2500-3500 vela sei artikul ka ziah thrin chu a ni. Hei ringawt pawh hi hnapui pakhat chu a tling hrim hrim. DT hian 2013-ah kum sawmthum a chhuah dawn a, Zoram khawvela tlawmngaia zirlaite chhuah kar tin chanchinbuah chuan a dam rei ber a nih ka ring. Hemi atana kum 15 chhunga keima ringawta artikul ka ziah zawng pawh hi 600 chuang a ni tawh a, kar tin zan khat ka tlaivarpui a ngai.

Chutiang chu thil awm dan a nih laiin Pachhunga College University atrangin Dr. Zoramdinthara Khiangte-an ‘National Seminar on Mizo Language: Contemporary Challenges and Prospects’ an buatsaih mek thu leh seminar paper rawn ziak tur leh seminar-a rawn telh ngei tura min sawmna thu chu telefawn-ah mi rawn hrilh a, mail-in a rawn um zui nghal a. Hemi Seminar hi Central Institute of Indian Languages (CIIL), Ministry of Human Resource Development, Department of Higher Education, Government of India te sum rawn tuaka Pachhunga University College, Department of Mizo leh Central Young Mizo Association (CYMA) te huaihawt a ni. Hemi sabzek hi ka thil vei leh tuina zawng a nih avangin kal tur leh tur loh thu lam chu sawi buai a ngai lo. Ka kal hman ang em? tih lam a ni zawk.

‘Hman’ tih trawngka hi ni tina mi tinin lunghlu 24 kan dawn threuh atranga mi a ni. Kan hman hlawk dan leh hman thai dan erawh a inang lo hle. Minit tin kan hman hlawk chuan ni tin lunghlu 1440 khawl ang kan ni a, kan hman thai chuan ni tin 1440 hloh ang kan ni. A hman hlawk thiamte chuan an renchem a, ‘Ka hman lo’ tih hi an diksawnari atrangin an paih a, an tih duhzawng tih nan hun an hmang daihzai a, thil tam tak an ti thrin. Hun hman thai chingte chuan hun hlutzia an hriat loh avangin zah nachang an hre lo a, vawk hmaa tuikeplung vawrh an sawi angin an chil pherh mai mai a, engmah lo tihnan an hmanhlelh reng avangin engmah tihna tur hun an nei lo.

Ka penson hnu hian dannaranin ni tin darkar 12 hna ka thawk a. Sorkar hna kum 35 ka thawh chhungah ka tih hman loh, ka penson huna tih tura ka dah khawm hi a tiang chhah hle a, enge tih hmasak tur tih hi ka hmaa zawhna ding fo chu a ni. Artikul ka ziah tawh zawng pawh hi phek 300 zel leng lehkhabu-ah hung lut dawn ila, bu 50 chuang tur a ni tawh a. Khami hmaa ka lo ziah tawh thawnthu leh lehkhabu tura ka duan te zawng zawng nen phei chuan bu 100 chuang a ni tawh mai ang. Chung zinga mi chu a hmaa ka sawi tawh, kum 1973-a ka lehlin ‘Gitanjali’ kha a ni. Seminar-ah ka kal dawn chuan, ka kal hma ngeia ka zawh fel ngaiin ka hria a; chumi rual chuan seminar paper buatsaih nan a tlêm berah ni thum ka mamawh bawk a. Seminar-ah kal ngei ka duh tlat si avangin beihpui ka thlak a, thla hnih chhung Gitanjali buan tura ka tih kha ni sawm chhungin ka zo hman a, a tam berah darkar nga bak zanah ka mu hman lo. Tichuan, kum 74 ka hman zawhna ni July 15 kan lawm zawh tuk zing hma takah Aizawl panin ka thlawk chhoh ta a ni.

Kolkata erpawtah

Jet Airways-a Delhi atranga lo chhoh kha Kolkata erpawt-ah Air India thlawhna man tur ka nih avangin thawmhnaw book leh vek a ngai a. Enfiahna khawla ka suitcase an ‘screen’ hnuin chuta diuti Bengali pa chuan, “Ka pu, i suitcase-a Coca-cola um thum chhungah hian enge i dah?” tiin min zawt a. Kei chuan, “Whisky leh Vodka. Ka zinna tur Mizoram-ah hian kum 15 aia rei mah Total Prohibition dan an leklam tawh tih i hre nang e?” ka ti a. Ani chuan, “Ka pu hria e. Mahse, engati nge a original bottle-a i ken loh?” a ti a. Kei chuan, “Ka duh dan danin, a him theih dana ka hriat ang berin, ka keng ang chu. Chu chu nangmahni sawi tur em ni ang? Vawi eng zat nge original package-a ka kente Lengpui erpawtah min tihkehsak tawh i hria em ni?” ka ti a. “Erpawt-ah lo man che sela” a ti zel a. Kei chuan, “Naua, i diuti tur chauh ngaihtuah rawh. Kan ken luh min phalsak loh chuan erpawt-ah ka kalsan ang a, ka kir leh hunah ka hawn kir leh mai dawn alawm. Chutah chuan i buai em ni? In State-ah hian i pian hma daih khan Assistant Collector niin mi tam tak ka lo ho tawh a, engang mi nge in nih tih ka hria. I hna piah lamah kut i rawlh chuan i hna pawh hi i chân ang. Mahse, ka thil ken i hmuh châk êm avangin ka entir ang che” tih pahin ka suitcase chu ka hawng a, ka coca-cola bur, thra taka cellutape-a char chu ka entir a. “Ka pu, ka lawm e. Hetiang taka hima ken tur reng alawm” a ti a, min salaam a, ka kalsan ta a ni.

Hei hi ka sawi chhan chu, Imphal emaw, Guwahati emaw leh Kolkata emaw atranga Aizawl kal tur, tui thianghlim keng, mi tam tak an tihbuai thrin vang a ni. A changin an THIL ken laksak an duh vangin a original bottle & packaging anga ken loh chuan phal a ni lo tih te, ûm hnih aia tam ken awi loh tih te leh thil dang dang, chhuanlama hmangin, chhuhsak an tum thrin a. An inhnial hunah internal circulation a awm avanga phal loh a nih thu te chhuanlamah an hmang a, an thu chhuah kawpi entir tura i ngen chun thuruk (confidential) a nih vanga en theih a nih loh thu an sawi ang. Hei hi mi hrang hrang tawnhriat an sawi ka hriat ve chu a ni. Kan lemderna hian sir tinah, kan State pawnah pawh, nghawng thra lo a nei a, sual a tipung a, sual tipungtute lah chuan tihfuh inti êm êmin an lung nohna pathian hnenah rilrua inthawiin lawmthu sawi an bang lo. Hnam khawngaihthlak kan ni.

Kum 1997-a Congress sorkar an thawh-ât truma Mizoramah sual kan ngah tawk loh nia an hriat vang nge, sual ni lo suala an chantir khan ‘Zu thlavang hauhna’ tih ka ziak a. Zu khapna thila khawvela sorkar hrang hrang tawnhriat leh khawiah mah a hlawhtlin ngai lohzia ka ziak chhiartu Congress minister pakhat phei chuan, “Khami hma khan hemi lehkha hi lo chhiar ila chuan, total prohibition hi kan puan ka ring lo” tiin min be ru! Mahse, tun thleng pawh hian thawh harh nachang an la hre lo nge, a nih loh leh, Arnold Toynbee-an Study of History-a a sawi ang khan, an chuanna sakeibaknei chung atranga an chhuk chuan an chuanna sakeibaknei khan a ei mai an hlauh vang zawk, kum 15 hnuah pawh Chhura faifuk hloh dinhmunah a ram pum min la tàntir reng zawng a nih hih!

Kana khuaa mo lawma tel ve Nazaret tlangval ang khan kan zotui thiangte hi sekmai ang talha chantir theihna kan neih ve si loh avangin, zin apiangin inlengte tuihal dawm tur vai tui fim ken zia a ngai a, kan lemderna hrin chhuah finna atthlak hian khawvel a ti buaithlak zawng a ni e! Miten an fin man an têl a, kan ramri piah ban phak maiah kan ât man an lo têl a, kan vehbur khawn atranga sum tlemte min hlui, tute ei bang nawi tla, Lazara anga kan lo chhar ve te chu min petute zêmah kan chhung lut ruih ruih a, a hlawk an lo fanghma no ei hmiah hmiah a, chhiah kan hmuh tur zawng zawng kan chân vek a, ‘vai-chhia’ kan tihte vulh len nan chawmhlawma awmten keimahni ai daiha hausa zawk kan chawm lian a, sual loh kha sualah kan inchan a, kan fin bosal dan hi turu tak a ni. Malsawm ruahpui min tiamtu, ‘ka siam ang che u’ tiha ‘biahthu’ min tiamtu kan Zûntenu leh Zûntepa te lahin an chatuan tehna chu kum nga chhung lek a lo ni bawk si! An duh hun hunah êk min cheh khum a, min thlawksan a, a pân huaisual tuarin kan rŭm a. An chatuan a tawp dawn kum nga ral dawnah mi rawn dawr leh a, an zawlaidi nen trangin dawi hla tinreng an rawn chham kual a, min zâwr thlu leh mai thrin.

Arini Hotel-ah

Seminar buatsaihtuten an lo ruahman angin tun trum chu ni danga ka la tih ngai loh, Arini hotel-ah ka thleng ve tlat mai. Governor in kawta kal Mahatma Gandhi Road bul, Bible House atranga lunga vawm phak lek, Upper Khatlaa awm a ni a. A luhna kawngkapui chu thing ro rawng uk, a rawng hnawih pawh pil nuaih tawh, antique furniture la khawmtute mit la chi tak, pawn atranga en rikngawt chuan min hui lo tak a ni. Chutah chuan ka lut rawih mai a, a lo thim deuh ruai a, ka mihring hmuhte lah chu Karimganj Mosolman vai hmel ni awm tak hlir an ni a, ka lut sual ta emaw ka ti hman hial a. Mahse, reception desk-ah Zonu hmel thra zet mai, Mission Veng nula Esther Vanlalhruaii a lo thru a, an pindan thim pawh chu êng ta sûtin ka hria. Ka thlenna tur pindan 601 chabi min pe a, thawktu vai pakhatin ka suitcase a khai chho a, leihlawn tungchho, zimteah min kaipui a, chhawng hnihna kan thlen chuan thawk a rang duh tawh hle. Chuta trang chuan chhak lam hawiin veranda zim tê-ah kan inher kawi a, nambar pawh awm lo pindanah min luhpui a. Heiha, huiha! Aizawl han zawl lohzia hi aw…

Rina loha uibûk sa tih ang maiin pindan zau tak, nuam tak, fai tak, khawthlirna nuam tak a lo awm tlat mai! Kan hna nen inzawma kan zinna khawpui apianga hotel nuam ber bera thleng thrin kan ni a. Ka thlenna tura min lo ruahmansak hi Five Star Hotel-a an VIP Room aia a duaina bik a awm lo, Bar a awm ve lo tih mai loh zawng. Mahse, ka lungngai lo, Bar loha ka awm hian, Delhi tlang atranga ka Bar ken hian ka inlengte chhawlhal chu dawi ang a lo dawm mai ang.

Puanzar han hawk ila, hmar thlangah Seventh Day tlang (Nisarih Tlang) leh a hnunga awm Lungmual a inzâr a, hla taka hual veltu tlangte chu an lang rii riai a, thlir a nuamin lung a dam sawng sawng a. A bul lawka Telegraph Department sak ‘Tower’ vêlah chuan vamûr chi khat, lengdèr kan tih ang chi, Hmar trawnga ‘peleu’ (house martin) kan tih, Pherzawla kan awm laia kan in ditipa bu chhep thrin ang te kha an thlawk kual nak nak a. Chu chuan ‘Home Sweet Home’ phuahtu John Howard Payne (1791-1852)-an, Paris khawpui atranga Long Island-a a in chhe té a ngai vawng vawng ang khan, Zofate Jerusalem, Aizawl khawpui atrangin Pherzawla kan in hlui kha min ngaihtir vawng vawng a, eng emaw chen ngaihtuahna thlaa zinin, sulhnu ram reh mi fanpui a, hlaraua ka hnianghnar lai ang kha chu ni se, bûkpui tham hla a piang ngei ang.

Kan pi leh pute hunah kha chuan, an hmuh leh dai phak piah ram chu kawlvalenchham ram an lo ti thrin. Tunah pawh mit lâwnga kan hmuh theih bak chu, eng angin teknawlawzi lamah sang tawh mah ila, kawlvalenchham ram a la ni reng a, ngaihtuahnain ar bo a la zawng reng. Van sang, lei atranga kilometer 36 vela sanga min thlawhpui pawhin, kan hmuh phak kawlrawn piah chu kawlvalenchham a la ni reng. Eng anga nun sangah leng mah se, khawvelin a zawn ber chu kawlvalenchham piah ram, El Dorado a ni reng. Chumi ram chu rilru leh thlarau hlimna leh hahdamna, Siamtu leh a thilsiamte nena inkungkaih renga awmna ram, an mawina leh hlimawmna thuruk min tulh rengna khawvel a ni. Chumi rama cheng Davida chuan “ka no dawm lai hi i chhung khat reng a” (Sam 23:5) a tih ang khan, Rabindranath Tagore pawhin,

Nang chuan tawp nei loa mi siamin,

Ka hringnun bellei awngrawp hi ni tin,

Tiruakin nunna tharin i chhung khat reng

tiin a ‘Gitanjali’ chu a tran a, Nobel Prize chu bêl chhung sa a ni mai. William Wordsworth pawhin hei hi a nun thupui berah a hmang a, a hla phuah tam tak hi chutiang lam hawi chu a ni. The Daffodils (Tuizam Par) chang tawp berah chuan,

Maten laikhum ka bêl chang leh,

Tinkim ka dawnkhawl chang niin,

Lairil-chhingmitah lo lang lehin,

Lungleng hnemtu-ah an chang a;

Ka rilru hlima khat lehin,

Tuizam par nen an tlanglam e

tiin a au chhuak a nih khah! Aizawl leh chumi khawvel chu eng chen nge la inzawm tih hi zawhna chhan har deuh mai a ni a; Rokunga hla ‘Chite Lui’ rilrua sa reng chunga hemi ‘lui’ tlawhtute chuan a chhanna dik an hmu mai theiin ka ring.

Ka thlenna tukverh atranga chhum zun phingphi siau siauin tlang a bawh lai te, zawi zawia a kian leh hnua ni eng mawiin a rawn chhun tlet sung lai te leh ni tla turin vanrang chhum leng, rawng chi hrang hranga a chei lai thlirtu chuan a rin loh hlana Zaipu Rokunga zai zawmin,

Aw, lei mawina thinlai tihlimtu…

Vanrang chhum leh thlifim leng velin,

Khawvel mawi hi hla mawi an pe

tiha auhchhuahpui loh theih a ni lo. Delhi tlang atrang chuan thlir ninawm lo lei mawina, kan khawvel engemaw chen la luahtu hi ngaihruatna mitthla leh television atrang chauh lo chuan a lang pha tawh lo. Aizawla cheng mi tam tak pawhin, a lian ber leh a tê ber thlengin, chumi khawvel chu an thran khûm tawh a, nihna leh thil tlereuh chauh ûma an hmanhlelh tawh avangin, chumi khawvel mawina chuan an bengah thu a sawi tawh lo. Sawi tum mah se, ngaihthlakna tur beng an nei tawh lo. Chu chu alawm William Wordsworth-an beidawng taka a lo auhchhuahpui ni:

The world is too much with us; late and soon,

Getting and spending, we lay waste our powers;

Little we see in Nature that is ours;

We have given our hearts away, a sordid boon!

Ka thlenna pindan nuam leh mawi atrang erawh chuan khawvel mawinain par a la chhuang a, a rimtui leng vel chuan min bual a, zin chhawlhal a dawm a, vai tui fima inchiah harh pawh a ngai hran lo. Aizawla inpui bera ka nei Lala Khobung kawm chhak lawka awm a nih bakah kan Seminar neihna tur YMA Hall nen inhlat loh tea awm a ni lehnghal! Ka thlenna hi a kawng chhukchhoh hle mah se, a laili a, a thengthaw a, a fianrial a, khawthlirna a nuam bawk si a, a fuh cher cher e. A ‘sukso’ pawh hi malsawmna, a hrana exer ngai loa exer-na a ni.

(End of Part 1. July 27, 2013, Delhi)

PRESS RELEASE (July 29, 2013)

Mizoram sawrkar le HPC(D) palai hai chu July 18, 2013 khan Conference Hall, Tourist Lodge, Chaltlang, Aizawl-ah inbiekna nei a nih. Mizoram sawrkar palai thuoitu chu Pu Lalbiakzama, Joint Secretary (Home Department) a nih. Mizoram sawrkar tienga inthawk palai dang hai chu Ramthlengliana, SP, CID (SB), Lalchungnunga, Addl. DC., Aizawl District, Lalhriatpuia, Deputy Secretary (Home), David H. Lalthangliana, OSD (Home) le Laltanpuia Sailo (Interpreter) hai an nih. HPC(D) palai hai chu Pu LT Hmar, Working Chairman, HPC(D) in an rawi a; palai dang hai chu Lalchhanhima, Council Member, HPC(D), Lalthalien, (delegate), Joseph R. Hmar (delegate), Lalmuanpuia Punte (Spokesperson), Rohringa (delegate) le Remruata Varte (delegate) hai an nih.

Inbiekna chu Mizoram palai thuoitu Pu Lalbiakzama’n a keihruoia. Lalbiakzama chun HPC(D) palai hai chu lawmlutin inbiekna dawkan thataka an hung thang thei chu hmasawnna thatak ani el bakah inremna lampui le Mizorama Hmar hai ngirhmun siemthatna ding zawnga an hung pensuok hi a lawm thu a puong.

HPC(D) Working Chairman Pu LT Hmar chun HPC(D) memorandum chu Mizoram sawrkar kuoma apek zo hnungin HPC(D) Spokesperson Lalmuanpuia Punte chu hun an hlan sawng a. HPC(D) memorandum hi Mizoram Governor, Union Home Minister le Joint Secretary (North East, Home Ministry) hai pek anni bawk.

HPC(D) chun an memorandum a an tarlang angin July 27, 1994 a HPC le Mizoram sawrkar haiin Memorandum of Settlement/ Peace Accord an ziek chu lekha kawrawng anizie le Hmar hnam dam khawsuokna ding iengkhawm a kengkaw naw thu an hril. Hi lei tak hin HPC(D) chun MoS/ Peace Accord zieka lo um ta kha a pawmpui naw a nih an tih. Hi lei tak hin HPC(D) chun sin zo lo chu sunzawmin Mizoram a Hmar hai ta dingin India danpui hnuoia Hmar Autonomous District Council, Sixth Schedule dungzuiin a ngen a nih. HPC(D) thil phut hi Sinlung suok Hmar nau hai ta ding el cho niloin Mizoram sawrkar khawmin an tangkai pui intawn ding ani thu fumfe deuin an hril.

HPC(D) chun a thil phut le inzawmin Hmar nau hai chu Mizoram a inthawk inhrangna an zawngnaw thu an hril sa bawk. Amiruokchu, India danpuiin a phal ang hrimin Hmar nau hai chu hnam ang le pi le pu hun a inthawk an del ram chu mumal taka sawrkarna le inthuom a hma an sawn nuomna leia an hmalakna hi a puitling ngei a tul thu an hril bawk. HPC(D) chun Hmar tawng, culture, literature, Hmar hai del ram le aram sunga rohlu hai humhal leh democracy indarzau theidan umsun chu Mizorama Hmar hai ta dinga Hmar Autonomous District Council indin chu a nih an tih. HPC(D) chun midang, hnam dang hai anga hmasawnna sirbi sir ve ding chun Hmar hai ta dinga district indin a inthawk an tan a tul a nih an tih.

HPC(D) chun Mizoram a Hmar hai ta dingin politics a chanvo Hmar nau haiin an dawng ding ang hrim an dawng hma khat chu inremna tluontling um thei ngai naw ni an tih. Hmar nau haiin politics a an chanvo ding an dawng hma khat chu indikna khawm um thei ngai bawk naw ni an tih.

HPC(D) chun an thil ngen a puitling theina dingin Union Government of India le Government of Mizoram haiin fumfe nawk zuola hma an hung lak dingin an phut bawk. Tuta tum inbieknaa hin HPC(D) chun hienghai hi an phut:

  1. Mizoram a Hmar Autonomous District Council indin ani vat theina dingin ‘tripartite dialogue’ – Union Government of India, Government of Mizoram le HPC(D) tan vat ni rawse;
  2. Hmar Autonomous District Council chu India danpui hnuoiah, Sixth Schedule huom sungah ni ngei rawse.

Inbiek pei naa chun Mizoram sawrkar tienga palai hai chun July 2013 a tawp el ta ding Mizoram sawrkar le HPC(D) hai inkapchawlna le operation hrim hrim siehrena (Suspension of Operation- SoO) chu pawtsei dingin nasatakin ngenna le phutna an hung siem a. HPC(D) tieng ruok chun inbiekna in lampui mumal tak le tak inningna a kengkaw naw chun SoO hun pawtsei chu thil tul le tangkai ani naw thu an hril thung. HPC(D) chun Hmar hai ta ding Mizoram sawrkarin “political solution” inzaum tak a riruong naw chun HPC(D) ngirhmun chu an phet el naw ding anizie an hril leiin inbiekna chu stalemate/deadlock ngirhmun alo tlungpui hrim a nih. Hmar ram, Hmar hnam ta dinga kan ngirna le kan inpumpekna chu intawlkirpui nawng kan tih; hi hi HPC(D) ngirhmun ni tlat a tih. Hmar haiin politics a kan chanvo chu kan dawng a hun ta el bakah a tul tah.

HPC(D) le Mizoram Hmar Welfare Committee hai chun Mizoram sawrkar, Governor of Mizoram le Centre hai kuoma ‘joint memorandum’ an pek bawk. Mizoram a Hmar mipui le pawl tum tumin HPC(D) hotu le palai hai uorsun taka an lo lawmlutna le fak le dawn ditsak taka an lo siemna chungah HPC(D) chun lawmthu a hril bawk. Ei ram, ei hnamin hmadawm lien tak a nei chu Pathien ropuina dinga ei sukpuitling theina dingin tlawmngaina insanglem insuo a, inthuruol taka kal chawi pei dingin HPC(D) chun Hmar mipui hai a ngen takzet a nih.

(John F Hmar)
Secretary, Department of Information & Publicity
Hmar People’s Convention (Democratic)

HMAR STUDENTS’ ASSOCIATION

Joint Headquarters, Delhi

PRESS RELEASE

The 4th of July, 2013

Tv. Zacharia Varte, General Secretary, Hmar Students’ Association, Joint Headquarters, Delhi S/o (L) Lalhmingthang Varte, Shillong Hills, Rengkai, hai in inhuonna Rangva Dai haiah esel le deusawna thu hieng: DHWA A HRANA INKHAWM KAN DIT NAWH, LAST PROTEST KOHRAN, DHWA PALAI-INPUMKHATNA, AW KAN VAI RAM DELHI, DELHI DHWA CID hai rawng dang danga ziek ani el hi pawi kan ti takzet.

Hi chungthu a Hmar Students’ Association, General Headquarters in June 3, 2013 a thusuok a siem hi kan thlawpin, kan lawm takzet.

Hieng ang indiriemna le eselna thu zieka um hin, Tv. Zacharia Varte, HSA-ah a sin chel leia Delhi Hmar khawtlang le pawl binga inkhawmhai kara buoina chungthua mawphurtu in ni tira, a sung-le-kuo hai chen suklungnilo le sukmuolpho tum an ni ngei ni a hriet le ngai a nih. Chu el khelah, HSA hminga Hmar hnam ta dinga rawngbawlna sin thawtu hai diriemna le suk chi-ai tumna a mi ṭhenkhat thilthaw hi kan dem takzet.

Hienga indiriemna le ineselna hi khawtlang invawng dan palzutna khawm ani ti a/an thilthaw nuom dan a’nthawk hin a hrilin a tarlang. Rengkai khawpuia Khawtlang Ṭhuoitu le Nu-le-Pa inza umtak tak haiin hma la ngei bawk hai sien ti mipui hriettin kan ngen sa nghal a nih.

June 3, 2013 a Hmar Students’ Association, General Headquarters thusuoka tarlang ta ang khan Delhi laia kohran pawl buoina le inzawmin Tv. Zacharia Varte’n iengkhawm ama puolin hmalakna a nei ngai naw a, thuteplo haia khawm an hnamhnawi nawh ti mipui hriet dingin kan puong.

Chun, Hmar sunga roreltuhai khawmin hieng ang thil ditum lo, indeusawna le indiriemna hai hi a re nghal theina dingin hma mi la pek ngei hai sien ti mipui hrietin kan ngen sa bawk a nih.

Hmar Students’ Association, Joint Headquarters, Delhi chuh Delhi a Hmarnau hai laia pawl binga inkhawm le inlakhranna thu-ah, a thei ang anga hma la zawm peiin, khawtlang inpumkhatna le inthuruolna dinga a ngirna-ah la ngir zawm pei a tih ti kan puong nghal bawk.

Sd/-

(Lalhrietsung Sanate)

Secretary, Information & Publicity

Hmar Students' Association

Joint Headquarters, Delhi

By Dr Lal Dena, Inpui.com Patron

Harsatna hi kawng hran hrana inthawkin a hung um thei a; hieng pasietna, titna, thlaphangna, tlaksamna, hrivawihsietna, lusunna, hmusitna, endawngna, hlawsamna, neksawrna, sirdena, channa, hnawchepna, rinumna, sawiselna, ringmawna le a dang danga inthawkin harsatna chi tum tum a hung um hlak. Harsatna hi thlipui siruktlak ang hiel khawpa nunrawng hmel put hlak sienkhawm a dawngtu zirin malsawmna hnar a ni thei.

Dam khura thing le ruo chu an pupindawngin thli le ruo, a lum a sa an ngam tak tak ngai nawh. Tlakden nikang tenbarama thing le ruo ruok chu thlipuiin a nuom a ninga a sawplet hlak an ni leiin an fiek a tha bik a; thli le ruopui vanawnin an sawp nasa po leh zung thar an thlak rawn a, an det deuh deuh hlak. Hiengang bawk hin mi harsatna-a intuoi naw chu suongum a tling tak tak ngai nawh. Sahrang hliem suih ding chun pasaltha sahuoi habe le vunghling vawitam tuor tahnung chu muongpui a um bik. Dr. Rochunga Pudaite’nSuilung Phanglo’ a zieknaah hiengang hin a lo hril a, “Dannaranin beidawngna tuor ngaider nawtu chu mi suongum le inhnempui tlak a ni ngai nawh. Thlipui a hung hrang pha diriem um khawpin a ti hlak si a. Natna tuor ngai nawtu chun lusun a hnem bawk nawh, a zuolko thiem leiin lungkham a bang si nawh. Lawngpu vawikhat khawm thlipui la tuok ngai lo mi chu, khaw that ni chun suong um hle sienkhawm van a hung innim pha chun thlaphang a sukzuol. Thlipui le tuiliensang vawi tam tak tuok ta a, dama la um a, lawngkandara thung chu, chu ngei chun thanghmun siem a thiema, lawnga chuonghai chun an inhnempui hlak” tiin..

Harsatna hi mizie inlang fiena darthlalang thatak a nih. Mi dawi le mi huoisen, mi zawmthaw le mi tumru hrietchieng theina thatak a nih. Mi tamtak chu harsatna an tuokin chinlem nei lovin a zung phirtan ang elin a themin an them ngawi ngawi hlak. Chuongang mi chu khawvela mi lungsietumn tak an nih. An zawmthawa, an zuova, an sirbi an phet awl leiin harsatna phir thluka an um pha leh, thonawkna chang an hriet ta ngai nawh. An chanah lungawi theina tak tak an neinaw leiin an phunnawia, an chierinthluoka, utum vuok an hril ang elin harsatna chu an suktuonga thuo tamin an inbelsa hlak.

Chanin siet tieng a hung pan deuh deuhva, lungriem mithli pumin “harsatna popo hi ka chan bik ding a ni ta maw!” tiin an khek rawng rawng hlak. William Shakespeares chun vangduoinahai hi an hung tlungin a mal chauvin an hung nawh a, a kawp a thuoin an hung lem hlak a lo tih a; a tuor thiem khawm an tak hrim a nih. Pa awmkhauh tak tak khawm harsatna hmunah chu sikinhning tet angin an thu an hla dawn lovin an inthin hlup hlup hlak; an hner an sawi a, an zuolko ngun hluong hlak. Lal le pasie, mi hrat le hrat naw, mi lien le mi chin tuelkhawm harsatna`n a fie thei naw an um der nawh.

Harsatna hi sahuoi anga tawng le awmkhauhva nek chi a ni nawh. Sahuoi tawng ding chun vawikhat bek zupeng tawntir dawn ta le tawnlairang tawn ta ni a tul. Chuongang mi ngei chu sahuoi lungril le a hnung thlep dan hrechieng thei mi a nih. Thangsuo dingin sahuoi lukip lak a tul. Chu ding chun khuontevika thova lamsak lamthlang thul ner a, invawt, thangtham, ruopui, thlipui, riel le hling tuor a tul. Amiruokchu rinumna tam tak ner thleng hnunga sahrang a kap a, hnena hlado insama tlang a hang tlir zet chun Chawngtinler mitthli`n hul zai a rel thei ngai nawh. luongliem hlak. Khaw khat nunghak hmeltha dam chu a ta dingin bela suongsa a nih ringawt el.

Thangsuo dingin harsatna maichama inthawi bawk a tul. Chawimawina le lallukhumhai hi tu khawma awlsam taka hlawsuok an um ngai nawh. Rinumna hril senglo an tuok hnunga chawimawina le ropuina chu a hnia hni ni ta lovin, a peka pek an lo ni ta lem hlak. Vawisuna mi-le-nel kara thibe tam pawla ei ngaihai khawm hi harsatna tiem senglo le ekdura inthawka laksuok deuh vawng an ni. Harsatna hin mi a lo siem tha thei hle a lo nih. Rangkachak chu rawtuina mei a fe tlang rawn po leh a tha inhlir angin, mi harsatna fiea a um rawn po leh thangkhaw a thiem deuh deuhva, ruo a sur le ai ang, nisa a sa le thereng angin a lawm hlak.

Harsatna hnuoia thilthaw hrim hrim a awlsam a um ngai nawh a; amiruokchu an nghatna a detindova, a ra khawm a thlum bik. Harsatna-a zung la le hung seilien hrim hrimhai chu sawihning ruol an ni ngai nawh. Mi lien le mi ropui an hung ni hnung khawmin michavaih le chansiehai chan an hriet thiempuiin an chan an changpui thiem hlak. Hiengang mihai hi an ni, harsatna hmuna khaw eng inlang lo khawpa pika um chang khawma mi hnem theituhai chu. An thurawn le an thuhrilhai chun mi a hne bik hlak. A san dang iengkhawm a um nawh, harsatna le rinumna tamtak lo pal tlang tah an ni lei a nih.

Chuleiin a dawng thiemtu ta ding chun harsatna chu malsawmna hnar a ni lem hlauh. Mi dawikawlawk khawm mi houisen an nitir theia, mi an tumru tir thei a, beiseina thar a siem pek bawk hlak. Tuorselna le tumrunahai hi khawlai sikulah khawm inchuk thei a nih nawh; HARSATNA SIKUL-ah chauh inchuk thei a nih. Negro industrialist mi fel hmingthang pakhat chu London-ah inkhawmnaah a fe a; mihaiin a hawiher le a changzie an hmuin an ngaisang bek bek a, khawlai sikula seilien am a nih tia an indawn chun “University of Adversity” (Harsatna thiembuk insanga inchu8k a nih tiin a dawn hlauh. Hi harsatna thiembuk hi hmun dangah zawng a tul nawh. Mitin kai theina dinga khuonu`n a lo relbawl sa a nih. Mi thabo, mi zawmthaw, thazukinhrul le leplehanghai kai theina khawm a nih. Natna le rinumna mi ti sim ei tuok chun tuorselna inchuk ei ni zing el. Mi neksawrna, endawngna, hmusitna le sawiselna ei dawng chun dawtheina sikul an mi hawng pek a ni zing lem.

Damlai hringnun hi zalna khum rawsipara siem a nih nawh. Ansielawna hnuoiah um ei ni leiin harsatna pumpel thei a ni nawh; chuleiin iengang harsatna khawm tuok dinga kampeta thangkhawnaah hin hratna thar le beiseina thar a hring suok lem. I sinthawna kawng hrim hrima harsatna tlakbuoka I um pha pha leh ‘takchapa’ annawleh, ‘takchanu’ tia thang i lak chun i sinthaw ra hmuh nghal naw la khawm, hnena nun i chang tah zing a nih ti inhre rawh.

Hmar MIL hi Manipur University le Assam University-ah B.A subject-a thang lo ni ta sienkhawm, College taphawta inchuk thei a ni chuong nawh. Manipur-ah chu Bethani College, Churachandpur College le Lamka College-ah chauh Hmar MIL hi lak thei a nih.

Prof L.Ruoivel Pangamte, Secretary, Hmar Literature Society, chun Principal, D.M.Collge, Imphal, kuomah Hmar MIL hawng dinga hnina lekha 23 Agust, 2010 khan a lo pek ta a. Kum 3 a niin Principal chun Director (University & Higher Edu), Govt of Manipur kuomah chu lekha chu a pek sawng a. Director chun chu lekha bawk chu Commissioner(Higher Edu.)-ah a thawn nawk a. May 15, 2013 khan Manipur sorkar chun Hmar MIL D.M.College-ah lak phalna chu an hung pek ta a nih.

Manipur sorkar tienga zo thawk khat ni sienkhawm, academic tienga thuneitu insang tak Manipur University phalna lak a la tul rawp a. Hi thu hi University thuneituhai kuomah intlun a ni hnung chun, D.M.Collge-ah Hmar MIL hawngna ding hin infrastructure huntawk a um am? ti’n Inspection Team tir an ni nawk a. Inspection Team chun D.M.Colllge-ah Hmar MIL inchuktir thei zirtirtu le DMC Library-ah text book khawm a um naw thu report an pek a. Chu report dungzui chun Hmar MIL D.M.collge-ah lak el thei dinga beisei chu van lera ra ang a hung ni tah. D.M.College-ah hlak chu Lecturer pakhat khawm ei lo nei der si nawh, MIL text book Inspection Team-hai hmu dingin ei lo sie bawk nawh..

Amiruokchu, beiseina khel tienga Pu David K.Zote, Deputy Registrar, Manipur University, hma thuoinain Director, College Development Council, MU-a inthawka file chawiin Pu Darliensung leh Prof H.Nanda Kumar Sarma, Vice Chancellor chu 25 June 2013 khan an van hmupui a. Manipur sorkar lekha no objection certificate le lekha dang dang an hmutir zung zunga, “First le Second Semester-ah Hmar MIL introduce el chu a rem naw maw?” a heih ti chun, VC khawm chun a remti nghal el tah a. Hmar MIL D.M.College-ah inchuk phalna chu Pathien le Pu David K.Zote zar lieu lieuva ei hmu a nih. Chu lai zing chun Directorate office, D.M.College le MU kara mani sum senga tlawmngaia tlan veltu Pu Upa Darliensung inpek zona khawm hi theinghil thei ding a ni nawh

D.M.College-a Hmar MIL chu hlaw bovin Prof Lal Dena le Pu Darliensung-in tuta session thara inthawkin an lo inchuktir tan nghal ding a nih. Anni thangpuitu dingin Imphala University le College dang danga ei Lecturer hai tlawmngai suo dinga contact mek an nih. (Source: Prof Lal Dena 29/6/2013)  

Powered by Blogger.