Halloween party ideas 2015

Pope 2A young boy wandered onto the stage at the Vatican this past weekend, hugging Pope Francis as he tried to give a speech.

The boy, who looks about 6, was originally sitting on the steps near the Pope, while Francis listened to followers address him at the Vatican's Year of Faith Celebration.

Boys will be boys, and this one wanted a closer look at the man in the robe.

So, he wandered up to give a personal hello.

Yahoo!

Pope 1

POPE

aw-kan-hmar-ram-l-fimateSinlung Entertainment Present's AW KAN HMAR RAM (Music Video) chu Dr. L. Fimate in 29th October, 2013 in Imphal ah a lo released tah.

Hi album a hin hla 13 le bonus songs 3 a um.

Recording thawnain Doh Doh Record, Ruolngul Record, Zasanga Recording Studio le Deby's Records hai hmang a ni a. Musician hai chu James Rochullo, Zaithanmawia Varte, Bobby R. Songate le Robert Keivom hai an nih.

Hlasaktuhai (artistes) chu Deborah Infimate, Lalparzo, Jeneth L. Varte, Vanlalhriet, Lalhringpui, Sharon F. Tusing, James K. Pakhuongte, Thanglienthuom Hrangate, Lalbieklien Khawbung le Lalzarlien Joute an nih.

Hmar People's Convention-Democracy (HPC-D) emblemPRESS RELEASE

28th October, 2013

Dated 24.10.2013(Ningani) a HPC(D) hminga tihluihnaa pawisa khawn Mizoram Police ten dt. 26.10.2013(Inrinni)-a an man Mizoram chanchinbu hrang hrang a chhuak mi pahnih Jacob Joute (alias Sangzuol of Mamit, Mizoram) leh Lalhlawhtlinga te hi HPC(D) mi leh sa an ni lo.

Jacob Joute hi HPC(D) atanga ban tak, President hlui Lalhmingthang Sanate, HPC(D) President anga la inchhal ve reng hnungzuitu, extortion titu atana a hman ber a ni a, 2012 kum bul lama ralthuam nen extortion case bawka Khawmawi (Churachandpur ) khua-ah Indian Army in an man, tun thla (October) bul lama bail-a chhuak, Lalhmingthang Sanate in Aizawl atanga Mizoram election-a Congress party-in an hman tangkai tur atana a chah chhuk a ni a, an tum loh lamah hetiang hian thil a thleng ta hlauh a ni.

Tin, Lalhlawhtlinga hian HPC(D) a inhnamhnawihna a la nei lo hrim hrim a, Self-style HPC Party President Lalrosiem nau (pianpui) a ni a, mi awm tha duhlo Pastor kalsual  a ni. Lalhmingthang Sanate hnungzuiin tun election-a Congress sawrkarin hmanruaa hman an tum mek lai bawk a ni a, Mizoram Police ten an man tirh khan Mizoram sawrkar hotu lawk ten lo hre hman se chuan mipui hriat hmaa chhuah leh mai tur an ni a, mahse, hrechiang lova an lo man palh avang leh mipuiin an lo hriat hman si avangin HPC(D) mi leh sa, tihluihnaa pawisa khawn angin chanchinbuah a lo chhuak ta a ni.

Chuvangin, HPC(D) chuan heng mi pahnihte hi Mizoram sawrkarin an phu tawk hremna a pek ngei kan phut a ni. Tin, tunah hian an pu ber Lalhmingthang Sanate, HPC(D) President anga la inchhal reng hi Aizawl-ah a awm mek a, tun inthlanah HPC(D) Demand Area-a HPC(D) tih hmingchhiat dan tur leh Congress tana tangkai taka chetdan tur chungchangah Congress sawrkar nen an in dawr mek a, HPC(D) President anga la inchhal Aizawl-a awm reng si Mizoram sawkarin an man lo pawh hi thil mak a ni lo tih Mizoram mipui hriatah kan puang a ni.

 

Sd/-

(JOHN F. HMAR)

Secretary, Info. & Publicity

Hmar People’s Convention-Democratic (HPC-D)

General Headquarters

Speaking about Sinlung Hills Development Council (SHDC), ZNP Sr Vice President R. Lalawia said both the Congress and the MNF governments “have deceived the people of SHDC by appointing a particular individual whoever support them as chairman of the council”.

Read more: http://www.mizonews.net/mizoramnews/znp-wants-autonomous-district-hmar-areas-party-says-alliance-ztd/#ixzz2iQv4jD1A

Hmar Inpui LogoUnauhai,

Ei boruok tawng a butu deu met leiin “Hmar Linguistics Seminar-Cum-Spiritual Retreat”, tuta Hmar Leaders’ Conclave 2013 tia ei nei lem ta ding hi Brochure tuhin sukpum thei a ni cho a nih. Ei inhrietthiem tlang hlak ang khan inhrethiem tum hram ei tiu.

Conclave a thang ding hai ei buoi mup mup ta ding ti chu mitthla ah an lang thei. Organizing Committee khom an buoi ve map map zing a nih. Hlimtlang tak le hlawk taka hi Conclave hi hmang dinga a hmuna a hun taka inhmukhawm dingin besei takin kan lo thlir zing cheu.

Paul B. Chonzik

Conclave Organizing Secretary

Hmar Leaders’ Conclave 2013, October 23-25, Umran, Rhiboi, Meghalaya

Hmar laia pawl hran hran hotuhai le memberhai inrawnkhawmna

HMAR INPUI (Hmar supreme house)

HMAR YOUTH ASSOCIATION: Khawtlang thila Hmar hai hma thuoitu

HMAR STUDENTS’ ASSOCIATION: Hmar inchuklaihai hmalakna enkaitu

HMAR WOMEN ASSOCIATION: Hmar nuhmeihai mawphurna le chanvo enkaitu

HMAR CHRISTIAN LEADERS FORUM: Hmar kohran hrang hrang insuikhawmna

HMAR LITERATURE SOCIETY : Hmar tawng ziek le tiem tienga hmalatu

HMAR ARTISTS’ ASSOCIATION: Hmar hlasak thiem le hlaphuokmi hai suikhawmtu

&

Hmar Welfare organizations hran hran hai thuoitu hai

Lungruoltaka Hmarhai hamthat lemna beisei takin

A sunga thu umhai

clip_image002[6]

  1. A sung thu hai – Phek 1
  2. A thang ding hai hrietding poimaw - Phek 2
  3. Conclave nei san le thupui hai - Phek 3
  4. Theme – 1: Hmar Tawng Chungchang - Phek 3
  5. Theme – 2: Hmar Hnam Hmatieng hun thlirna - Phek 4
  6. Hun changtu le & thu hriltuhai - Phek 5
  7. Conclave neina hmun le room hai – Phek  6
  8. Conclave Program - Phek 7
  9. Inaugural Session: 7
  10. Devotion & Session – 1: Hmar Tawng Thlirna - Phek 7
  11. Session – 2: Hmar Tawng chungchang (spelling, etc.) - Phek 7
  12. Session – 3: Hmar (MIL) sukhmasawn - Phek 7
  13. Review of Day One sessions & Praise and Worship - Phek 8
  14. Devotion & Session – 4: Inchukna tienga Hmar hai hma lak dan ding - Phek 8
  15. Session – 5: Fak-le-dawn tienga Hmar hai ngirhmun le hmasuon - Phek  8
  16. Session – 6: Hmar politics hmasuon - Phek 9
  17. Worship Service & Valedictory Session: - Phek 9

clip_image003[6]

General information for participants

Information and registration

Hmar Leaders’ Conclave 2013 a thang ding hai chu an hming an zieklut ngei ding a nih. Hi ding hin Conclave neina ding hmun, Umran, Rhiboi District, Meghalaya ah hming zieklutna ding hmun (Registration counter) siem ning a ta, chutaka chun an hming zieklut an tih. Registration um naw nih.

Registration counter hi Oct. 23, 2013 hin dar 2:00 pm – 8:00 pm sung hong ning a tih.

Presentations and equipment

  • Hi Conclave neina ding hmuna hin Conference Hall changtlung tak a uma, chutaka chun slide/PowerPoint presentation (projector) facility a um. Speaker le remarks pe nuom haiin hi hi hmang thei a nih. Chuong anga hmang ding hai chun in register hunah receptionist hai kuomah an inhriettir ngei ding a nih.
  • Chun, Conference Hall-a hin Public Address system changtlung tak a um bawk.
  • Hi Conference Hall a hin mi 130 bawr vel inleng thei a nia, chu bak mihriem ei um chun ngaituo dan um a tih.

Polite Request to all participants

  • Hi Conclave a thang ding hai chun hun ei siem hai indiktaka hmang dingin ei infiel.
  • Hieng ang hmun fienriel sum tamtak senga ei inkokhawm san hi hmun fienriela ngunthluktak le nguktaka ei inrawn tlang thei ei beisei lei a nih. A thang ding hai chun hun indik tak le session popo thang kim vong dinga beisei ei nih.
  • Conclave hlawtlingna chu mitin chunga innghat a nih ti hi theinghil naw hram ei tiu.

Climatic Condition

· Boruok la dei taluo naw sienkhom, mani inthuom lumna tawk inring tul a tih.

· Riekna hmuna ruok chu puonthuo a lumtawk a umsa a nih.

Conclave nei san le thupui hrilfiena

clip_image004[6]

Hmar hai hi khuonu’n politics le administration daidanna hran hranah a mi sie dar tawla; kohran le insuikhawmna pawl hran hran indinin ei khawsaa. Hieng a ni lei hin inthuruoltaka hmalak an tak deu deu ni sien a hoi. Hieng ang ngaituona lei hin Hmar Inpui chu Hmar hnam sunga pawl (association) hran hran hai lungruoltaka keikhawmtu a ni beiseiin indin a lo nih.

Kohran le insuikhawmna pawl hran hrana ei inthe el khela, ei tawng, Pathienin a mi pek ve hi ziek dan le hmang dan a lo danglam tung peia, tuhin chu ziek dan le hmang dan an ang ta naw nuoi el. Hmun hran hrana cheng hai chun an kawl le kienga tawng hai chu an lak peia, Manipur, Mizoram le Assam hmun hran hrana um hai Hmar tawng tuolleng chu an dang nuk el. Chuong tawng tuolleng hai chu tawng pangngaiah laklut ani pei hlak a nih. Chu khela, ziek nuom dan le tawng hmang nuom dan a hung danglam tunga, awlsam lem amanih, remchang leia hriet leiin ziek dan le hmang dan khom sukdanglam a hung ni ta pei a nih. Hmar Inpui le Hmar Literature Society haiin thutlukna lo siemin ‘t’ hnuoia sunghang sie chu la hmang tal tal dingin ti hai sienkhom, chu neka ‘tr’ awlsawm lem le remchang lema ngaia hmang zing an um. Chuong ang bawk chun ‘aw’ thluk tawia ‘o’ hmang nuom pawl an um zing tho. Hieng ani lei hin inrawnkhawma mani ditdan chu an dik lem le a thrat lem zie inhril tlang chu makmaw a nih. Hieng hai khela hin double consonant ‘CH’ le ‘NG’ ei nei tlat dam hi a tha ei ti am?Ei dit naw chun sukdanglam theitu chu eini a tawng hmangtu hai hi ei nih. ‘Z’ le ‘j’ le ‘g’ hai khom hi a hmangna ding indiktak iem a na ti khom inrawnkhawma hril tlang chi chu a nih.

Hmar tawnga ziek lekhabu tiem ding tlawmte chauh ei neia. Sienkhom internet hmanga titina dawkan Hmar Yahoogroups (HYG) le facebook le a dang dangah thangthar hai lekha ziek tiem ding le tiemtu ei tam deu deu. Hieng haia inthok hin tuta Hmar Literature Society in a pom le hum a tum tlat khom ziek indik thei ei tam naw zie hmu theiin a um. Entirna dingin, ei inpawlpui hlak mi khom ‘ruol’ (friend) ti lova ‘rul’ (snake) tia ziek tam tak ei um. Ei hril tum a thel nasatzie khom ei ngaituo phak ta naw a hawi khawp el. Hienga mani tawng ngei khom ei ngaithâ pei chun a humtu le sukhmasawntu nekin a thlan chotu ei ni pei ding a nih ti chuh hril tam a ngai nawh. United Nations Organisation inrawina hnuoia tawng ngirhmun suituhaiin tuta kum za sunga tawng 3000 neka tam thi hmin dinga an ngaihai lai Hmar hnathlak tawng po po an khum lut el hi a hmangtuhaiin mani tawng ei uksak tawk nawna ra a ni chieng khop el. Chu ngirhmuna inthoka ei tawng hi kei suok inhmaw a ngaizie chu na chauhva hre loa a tak taka thaw a ngai tah takzet a nih.

Chuong lai zing chun, vangnei thlak takin Hmar Literature Society le inchuklai thuoina (HSA) hai hmalakna hnuoiah nasa taka thang lain Manipur le Assam State-a hai high schoola inthok undegradaute or TDC (B.A., B.Sc., B. Com, etc) level chen Hmar tawng chu M.I.L subject-a pom a lo ni ta a, lawm a um takzet. Ei inchuklaihaiin Hmar tawng hmang le ziekah hma hung sawnin, ei tawng mawi tak hi hung ngainaa tawng upa hai hung inchuk sapin, pi le pu nunphung mawi tak tak hung hre tharin, a thahai hung sukvul a, a tha nawhai peiin, ei hnamin nasa taka hma sawn phanain a hung hmang ngei ei beisei. Hieng inchuklaihai hi ei tawngin hma a hung sawn zuol peina dinga ei innghatna ban an ni tlat leiin, bulthut nghet tak sirsana an hung inthanglien ei dit a, chu lampui chu a thei anga rel that le siem phuisui hi Hmar Inpui chun tul a ti takzet a, chu ding chun theitawpa hma lak pei a tum a nih. Tawng a hring naw chun hnam a hring thei naw a, hnam a hring naw chun an sakhuo a hring thei bok nawh. Tawng hi hnam himna kulpui a nih.

Hieng lai zing hin, lekha ziektuhai lai ziek dan hmang inang lo, hnam dang tawng mani tawng awphawia ziek pawl le ziek naw pawl le ei hawrop hmang lai khom hmang dan indika ei ngai le ngai naw khom ei hung saisa nuoi el ta a. Tawng hi ni tina inthang le inthlak danglam pei a ni lai zingin, hmang dan tlangpui dinga thaa ngai le pom tlang a um naw chun, inchuklaihai nasa takin a sukbuoi thei a. Chu el khom chu a ni nawh. Thenkhat chu an pom zawng ni lo ziek dan (style) danglama ziek hrim hrim chu tiem lo dinga intiem bur ei um thei bawk. Hi hin ei hmasawnna ding nasa takin a dal thei a nih. Hieng thilhai hi a’n rang thei anga ei siem fel a poimaw takzet.

Chu khelah, undergraduate levela M.I.L. subject-a lahai lai literature tienga inhnikna tak tak nei, mark hmu insang ringawt beisei lo tam tak an um a. Chuonghai chun mani tawng thu le hlaa inhnikna an nei zuol theina dinga an mamaw, tiem le inchuk tham lekha tiem ding ei phuhruk thei am? Tuta M.I.L. subject ei neihai hi a tha tawk hrim am ti dam khom ngaituo a tha. Inchuklaihai dangcharna hnem thei, thu le hla tling, inchuk ding lekhabu ei pek naw chun an thafanna hung zuoi a ta, pawi hleng a tih. Iengtin am school le college haiah Hmar (M.I.L.) subject sukhmasawn thei ei ta? ti khom ei ngaituo a tul sa a nih. Hmar subject hi M.I.L. el ni lova honours (major) subject chena hlangkai khom ei tin zawn a tul bawk.

Hmar tawng ziekna dinga ei hmang alphabet A AW B CH hi mingo missionary hmasa tak haiin thla thum an la um hman chauha an siempek, Mizo A AW B CH chu a ni ang anga ei lak sawng el a nih. Thumal tamtak ei lo hriet lar tasa hai ei tawng inrik dan inmila ei siem danglam um nuol tang a ta, la um pei bok a tih ti chu ring a um. A tawng neitu chun siem that le siem phuisui chu ei mawphurna a nih. Chu mawphurna poimaw tak chu ei liengkova innghat, ei kros a ni a, mi dangin an mi putpek beisei nawng ei tiu.

Hi lei hin tawng thua lungruoltaka hma ei lak tlanga, ei Hmar tawng hi ei sukhmasawn thei beiseina insang tak neiin hi Hmar Leaders’ Conclave hin Hmar tawng chungchang hriltlang chu a bitum hai laia pakhata poimaw ti takin an thang tir a nih. A tir chun tuta ei program hi Hmar Linguistics Seminar-Cum-Spiritual Retreat ti a ni hrim a nih. Remchang lem le huop zau lemin Hmar Leaders’ Conclave ti a hung ni tah.

Chu khelah ei hnamin a mamaw dang dang – a bikin Hmar hnam hmakhuo (inchukna, fak-le-dawn le politics) hril tlangna le inrawnkhawmna hun nei hi Hmar Inpui chun a ngai poimaw a. Chuonghai sukpuitling theina dinga tuta HMAR LEADERS’ CONCLAVE hi buotsai a nih. Hieng inchukna, fak-le-dawn le politics sirhmun rem indik hai hi hnam ngirsuokna dinga poimaw an no vong.

Hmar hai a nawlpuia fak-le-dawn (economics) kawnga ei intodel el ni lova a chuong a liem ei nei thei chu thil tul le poimaw a nih. Kutdaw chu ngampa takin mi lai a um ngam ngai nawh. Harsatna huonga intang laklaw chun an hmakhuo ding tha lem an ngaituo suok thei ngai nawh. Hieng anga harsatna huonga intang hi ei unauhai tamtak tlangram le phairama hai khom an um zing a nih. Chuong mi hai chun anni khatin an suokdawkna ding ngaituo suok kher naw ni hai. Chuleichun chinchang hre lem, hrietna tieng le sum-le-pai tieng hrietna var nei haiin ei kawkhmu le an lampui ding ei siem pek a tul. Hi ding hin inrawnkhawm le hril tlang chu thil poimaw tak a nih.

Hieng anga fak-le-dawn tienga Hmar hai hmakhuo ding ngaituo le hriltlanga hma hang lak tak tak ding le policy fel tak siema, chuong policy hai chun ra an suo ngei theina dinga hma lak tak tak ding chun ei hnam politics hmasuon ei siem thata, a kalbi ei rem that a poimaw hle a nih. Tu chenah politics tienga ei phak chin hi hun ei ti am? Hmabak iem ei nei a? Hmatieng peia ei politics thiltum ding iem ning a ta? Hieng hai hi mi pakhat pahni inbe tuoa thuthlukna siem el nek chun a tam lem inrawnkhawma ei hriltlang a poimaw. Chutaka inthok chun thil tha lo, pei ding le, thil tha lem, ei hmalakna ding hai hung inlang thei a tih.

A chunga ei tarlanghai huom thei dingin session ruk (6) le valedictory program riruong a nia, Thupui funkhawm pahnia the a nih:

  1. Hmar tawng chungchang
  2. Hmar hnam hmatieng hun ding thlirna

clip_image005[6]

Hun Changtu le thuhriltu hai

Hi Conclave a hin ei mithiem le dawnril tak tak le thlarau tienga mi chawmtu dinghai fiel an ni angin an hun hlutak hai maksanin hun an mi hung hmang pek thei ding leiin an renga chungah ei lawm hle a nih. Chuong hai chu a then cho hang tarlang ei tih.

DR. & MRS ROCHUNGA PUDAITE hai, a tira inthokin ei program hmang ding min hnikpuia infuina le encouragement nasataka organizing committee member hai an mi petu an nih. Chu khela sum tamtak seng inhuomin hi program hi sukhlawtling ngei dingin hma an mi lakpui a nih. Vangduoithlak takin taksa bawrsawmna leiin an hung thang ve theinaw leiin pawi ei ti takzet

L. KEIVOM hi Hmar tawng ziek tiengah thusep ziek le hlaphuok tienga chu Hmarnau hai a tluk ei um naw niin an lang. October – November thla sunga America inzin dinga ticket la fel sa a nih. Ei program a ngai poimaw em leiin a fe hun ding sukhnuin a hun hlutak chu tawng chungchunga inrawnkhawmna ah a mi hung hmangpui ding leiin lawm a um tak zet.

L.B. SINATE, Hmar ram sukhmasawn tuma thi le thau senga hma latu hi sorkar sina inthok a chawl hnungin Hmar hai fak-le-dawn tienga hma ei sawn theina ding a kul-a-taia ngaituo le hma latu a nih. Ei program ah Hmar hai fak-le-dawn tienga ei hma lak dan ding a mi hung hril pek thei ding hi vangnei ei inti takzet a nih.

Dr. Chaltawn lien Amaw, Hon’ble Chairman, HAC (Manipur), Hmar hai politics tienga ei suongvawr, Manipura Hmar hai del chinsukhmasawntu hin a hun hlutak a mi hung pek thei leiin a chunga ei lawm bek bek a nih.

REV. ROHMINGLIEN PAKHUONGTE, Hmarhai del china PMS in school a nei popo hmalaknaa lukhaitu, Hmar nauhai inchukna tienga hmasawn dan ding a lungril tam tak a sengna hai hung share dinga fiel a ni anga hun a mi hung hmang pek ding leiin a chunga ei lawm tak zet.

DR. ROSIEM PUDAITE, Hmarhai ei dam khawsuok theina dinga ‘intamchil’ a poimaw zie le politics tienga ei hring suok theina dinga lungril tamtak sengtu in a hun hlutak hung pea, a ngaidan le a hriet hai mi hung hril dinga hun a hung pek thei leiin lawm a um em em.

PROF. L. FIMATE, Hmar hai mi hrieta mi siemtu, le ram le hnam invawi em emin hun a hun hlutak a mi hung hmangpui thei ding leiin ei lawm em em.

PROF. VANLALNGHAK, Inchukna tieng le politics tienga Hmar hai ngirhmun invawi em em tu in inrawnkhawmna hun a mi khar pek ding hi vangnei ei inti hle a nih.

Anni hai baka hin inchukna tienga Hmar hnam ta dinga hma latu, S.K. Khawbung, Isaac Pakhuongte, Dr. Lalzawmlien le a dang dang, politics tienga Hmar nau hai mi hrieta mi thelar tu Ngamrothang Hmar, Laltlansang, Hlima Keivom, Lalhrillien, Lalditsang, Lalhmangpui, Lalhossan, Lalthawmlien, le Sorkar tienga Hmar hming sukthatu Challienkhum Songate, IRS, Thanghlun Hmar, IRS, David Neitham, APS, Dr. C. Zawlthang hai le ei daktor hrietlar Dr. Chawngrolien Chonzik le Hmar haiin nitin chanchinbu ei nei sun, Hmasawnna Thar editor Lalmalsawm Sellate haiin hung an mi hmangpui thei ding leiin vangnei ei in tih. Hmar tawng chungchang, inchukna tieng, fak-le-dawn le politics tienga ngaidan tha tak tak nei le Thlarau tieng le Pathienthua mi chawmtu ding, Rev. Ruolneikhum Pakhuongte, Rev. V. Lalthalien Zote, Rev. Dr. J. Huoplien, Rev. Lalbiektluong, Rev. Edwin Darsanglur, Rev. Lungawiruol, Rev. Zoramsiem Nungate, , Rev. VL. Nghakthang Khawbung, Upa Gouzalam, Pu Ralkapkung Singson le hnam thuoitu dang dang hai hi Conclave mi hung hmangpuitu hai chunga ei lawm takzet a nih. Ei thahnem ding leiin a thang ding mi poimaw tak tak hai hming ei zieklang seng nawh.

Conclave Neina Hmun le room insem dan

clip_image006[6]

Conclave nei na ding hmun hi Catholic hai enkawl, Rural Research and Training Centre, Umran, Rhiboi, Meghalaya a nih. A tirin “Hmar Linguistics Seminar-Cum-Spiritual Retreat” tia ei program hming ei inbuk lei ei neina ding hmun hi dap kuol rak a nia. Churachandpur, Aizawl, Silchar or Hmarkhawlien, Guwahati hai khom dapkuol sin a nih. Chuong haia chun inchim buoi nuoi kara thaw a ni pal inlau leiin hun iemani chen chu Kaziranga National Park-a Wildgrass Hotel chu remti niin tawngbaua hotel khom booking thawsa a nih. Sienkhom ngaituo nawn nawk a nia, a thang ding hai fe remchang lem na ding Guwahatia inthoka hla lo ngaituo a nia, tuta hmun hi sukthluk a hung ni tah a nih.

Rural Research and Training Centre, Umran, Rhiboi, Meghalaya pan thei dan ding chu a hnuoia ang hin a nih:

Airport hnai na tak chu Umroi a nia, chutaka inthok chun Shillong bypass lamlienah fe peiin Shillong-Guwahati road km. 27.2. fe in tlung thei a nih.

Airport hnai tak dawt chu Guwahati Airport a nih. Chutaka inthok chun Shillong lampui hraw in km. 84.2 tlan hnungin tlung thei an tih.

Shillong a inthokin Guwahati lampuia fe zar zarin km. 33.4 a nih. Barapani-a Union Christian College lamthe a inthokin kum 18 vela um a nih.

Guwahati a inthokin Shillong lampuia fe zar zarin km. 65.7a nih. Nongpah a inthokin km 17.2 a um a nih.

Aizawla inthok le Silchar tienga inthoka hung hai chun Guwahati lut hma met Jorabat-a inthokin Shillong lampui la in, chutaka inthoka km. 49.4 tlan in an tlung thei.

Churachandpur le Imphal tienga inthoka hung hai chun Guwahati lut hmasa zetin, chutaka inthok chun Shillong lampuia fe in, Nongpoh zuk tlung hnungin km. 17.2 ah tlung el an tih.

Chuong ang bawkin Diphu le Haflong tienga inthoka rela hung hai chun Guwahati lut zovin Shillong lampuia fe in tlung thei an ta, motora fe hai chun Guwahati lut kher lovin Jorabat a inthokin Shillong lampuia fe in tlung thei bawk an tih.

Riekna room umdan chu hieng ang hi a nih:

  1. Single occupancy room – 1 No.
  2. Double occupancy room – 2 Nos.
  3. Triple occupancy room – 18 Nos.
  4. Eight occupancy room – 1 No
  5. Cottage (8 occupancy) – 1 No.
  6. Dormitory (58 occupancy) – 1 No.

Hienghai hi a remchang anga a thang ding hai lai sem dar ning a tih.

Conference Hall changtlung tak, PA system le Projector hai umna sa hmang a ni ding anih.

Fak le dawn anni buotsai vawng ding a ni leiin sa fa mi le thlaihna cho fa mi haiin an fak thei ang inhriettir ngai a tih.

clip_image007[6]

Conclave Program

OCTOBER 23, 2013 (TUESDAY)

6:30 PM – 8:00 PM - INAUGURAL SERVICE

Conductor : Joseph D. Hmar

Welcome Address : Dr. John H. Pulamte

Introductory Speech : Dr. Paul B. Chonzik

Seminar Inauguration & Speech : Dr. Chalton lien Amo

Hon’ble Chairman, HAC, (Manipur)

Biblical Insight Remark &Dedication : Rev. V. Lalthalien Zote

8:00 PM – 9:30 PM - DINNER

OCTOBER 24, 2013 (WEDNESDAY)

7:00 AM – 8:00 AM - MORNING DEVOTION

Conductor : Rev. VL Nghakthang Khawbung

Gospel Message : Rev. Dr. J. Huoplien Neitham

8:00 AM – 9:00 AM - BREAKFAST

9:00 AM – 11:00 AM - TECHNICAL SESSION - I

Topic : Hmar Tawng Thlirna
Moderator : Upa V.L. Muonga Pudaite

Speaker : L. Keivom

Response:

1. Lalmalsawm Sellate

2. Lalhrillien, MDC (Manipur)

OPEN DISCUSSION

11:00 AM – 11:30 AM - TEA BREAK

11:30 AM – 1:30 PM - TECHNICAL SESSION - II

Topic : Hmar Tawng Ziekdan Chungchang

Moderator : Vanlalhlun Traite

Speakers : 1. L. Thanmawi Pajamte

2. Louis L. Keivom

OPEN DISCUSSION

1:30 PM - 2:30 PM - LUNCH BREAK

2:30 PM – 4:30 PM - TECHNICAL SESSION - III

Topic : Hmar (MIL) sukhmasawn

Moderator : F. Doliensung

Speaker : 1. Thanghlun Hmar, IRS

2. S.K. Khawbung

Observations:

1. Isaac Pakhuongte

2. Hrilthankung Sielhnam

OPEN DISCUSSION

4:30 PM - 5:00 PM - TEA BREAK

5:00 PM – 6:00 PM - Day ONE Review, Opinions & Suggestions

Moderator : David Buhril

Next day’s Agenda : John Pulamte

5:45 PM – 6:00 PM - TEA BREAK

6:00 PM – 8:00 PM - PRAISE & WORSHIP

Conductor : Rev. Lalbiektluong

Gospel Message : Rev. Edwin Darsanglur

Benediction & Blessing : Rev. Lalnghatlien Songate, Shillong

8:00 PM – 9:00 PM - DINNER

9:30 PM - NIGHT OFF

OCTOBER 25, 2013 (THURSDAY)

THEME - HMAR HNAM HMAKHUO (INCHUKNA, FAK-LE-DAWN, PAWLITIKS)

7:00 AM – 8:00 AM - MORNING DEVOTION

Conductor : Upa Ralkapkung Singson

Short Gospel Message : Rev. Lungawiruol

Benediction & Blessing : Rev. Varsanglur, Shillong

8:00 AM – 9:00 AM - BREAKFAST

9:00 AM – 11:00 AM - TECHNICAL SESSION – IV

Topic : Inchûkna tienga a hnam puma hma ei lak dan ding

Conductor : Dominic Sumlal

Speakers : 1) Rev. Rohminglien Pakhuongte

2) Dr. Chawngrolien Chonzik

3) Lalhmangpui, MDC (Manipur)

OPEN DISCUSSION

11:00 AM – 11:30 AM - TEA BREAK

11:30 AM – 1:30 PM - TECHNICAL SESSION – V

Topic : Fak-le-Dawn tienga Hmarhai hmasawn dan ding

Conductor : Lalawilien Amaw

Speakers : 1) L.B. Sinate

2) Dr. Zawlthanglien Changsan

3) Lalditsang, MDC (Manipur)

OPEN DISCUSSION

1:30 PM – 2:30 PM - LUNCH

2:30 PM – 4:30 PM - TECHNICAL SESSION – VI

Topic : Hmar politics hmasuon

Conductor : Lalthalien

Speakers : 1) Dr. Rosiem Pudaite

2) Rev. Ruoneikhum Pakhuongte

3) Challienkhum Songate

4) Hlima Keivom, MAC, NCHAC

OPEN DISCUSSION

4:30 PM - 5:00 PM - TEA BREAK

5:00 PM – 7:00 PM - VALEDICTORY PROGRAM

Conductor : Dr. Paul B. Chonzik

Valedictory Speeches : 1. Prof. Vanlalnghak

2. Dr. L. Fimate

3. Laltlansang, EM, NCHAC

4. Lalhossan, EM (Manipur)

Closing Remarks : Dr. John H. Pulamte

7:00 PM – 8:00 PM - WORSHIP SERVICE

Conductor : Rev. Zoramsiem Nungate, Shillong

Opinions & Suggestions : Dr. Paul B. Chonzik, Secretary, OC

Gospel Message : Rev. V. Lalthalien Zote

Benediction & Blessing : ??, Churachandpur

8:00 PM – 9:00 PM - DINNER

Organizers:

Executive Members

1. Thanglienthuom

2. Rev. Fimchawnthang

3. Hmanglienthang Hmar

4. Joseph D. Hmar

5. Upa LB Sanga

6. Darlienthang

7. Thangsawihmang

8. T. Sangkhum

9. PL Hranngul

Auditors

1. Dr. Lalnghaklien (Rengkai),

2. Pu Sumkaivel (Rengkai)

3. Upa Laltlanmawi F. Tusing (Saikot)

HMAR INPUI THUOITU HAI (2013-16)

Designation - Name

President - Dr. John Pulamte

Vice President - 1. Lalawilien Amaw

2. Hmangzalien

Gen. Secretary - David Buhril

Secy. (Pub. Relns) - Lalthavel Buongpui

Secy. (Inf & Publ) - Vanlalhlun Traite

Joint Secretaries - 1. Dr. Immanuel Zarzosang

2. F. Doliensung

3. Lalchawisang

4. Lalthangsang Songate

Finance Secretary - Jousanghlei Joute

Treasurer - Rev. Ruolhlei Pakhuongte

Conclave Organizing Secretary:

Dr. Paul B. Chonzik

Jerusalem, Oct 20 (PTI): Israel has allowed 899 Indian Jews from Manipur and Mizoram, the members of the "lost" Bnei Menashe tribe, to immigrate to the Jewish state.

The cabinet last week decided to allow the immigration of the Indian Bnei Menashe community to Israel in multiple groups with the first batch expected by the end of the year.

Bnei Menashe (literally sons of Menashe), a group of indigenous people from north-Eastern border states of Manipur and Mizoram, trace their roots in one of the ten "lost tribes" of Jews exiled by the Assyrian regime over 2,700 years ago.

Hundreds of Bnei Menashe are already living in Israel, having made aliyah (immigration) with the help of an NGO, Shavei Israel, dedicated to bringing "lost Jews" around the world to Israel.

Michael Freund, the founder and chairman of the Shavei Israel organization that lobbied for their aliya, said he wishes to see the entire community come to Israel soon.

"Our goal is to bring all the remaining members of the Bnei Menashe community here to Israel as quickly as possible," he was quoted as saying by The Jerusalem Post today.

Freund said the cabinet's decision will allow 200 Bnei Menashe people to be brought to Israel by the end of the year, 400 in 2014 and another 300 in 2015.

All of the immigrants will be housed in a private absorption center run by Shavei Israel and will then be settled around the country.

Their immigration to Israel was facilitated by the ruling of the former chief Sephardic Rabbi in 2005 who declared them descendants of Israel amid intense debate over their Jewish ancestry.
Some 274 members of the northeastern Indian Jews arrived in Israel earlier this year.

However, in 2004 Israel's then Interior Minister Avraham Poraz had put a freeze on the immigration of the group raising questions on their Jewishness.

The Chief Rabbinate does not consider the Bnei Menashe to be Jewish according to Halacha (Jewish norms), but the members of the community consider themselves to be of Jewish ancestry and are committed Zionists and observant Jews whose goal is to return to the land of their ancestors, Freund said.

He said Bnei Menashe are unable to convert in India and have come to Israel in small groups at irregular intervals to convert here.

Some 2,000 members of the Bnei Menashe have arrived in Israel since the 1980s and around 7,000 members of the group still live in India.

Saikawt, Oct 19, 2013: Vawisun HYA General Conference, Saikawt-a um chu a lo tumṭiek tah. 

Nisienlakhom, election nei thei lo a khar hri phawt a nih.

Special Conference ko a, inthlangna nei dinga ti a nih.

HYA hi mi teplo ṭhenkhat hai leiin a dere nuom sawt ta bâk el! Hieng mei mei ding hin phal aum si nawh. Mi inrim dawk sa bazar hmeruo tawm angin an mi la zawrhmang pek ding chu ani hih. Pawi taluo..

Mitthli leh la hei ti fan fan ka tih "HYA Damzing raw seh!"

By Alan Famhoite

DR. JOHN PULAMTE THUHRIL, President, Hmar Inpui.

(October 18, 2013; Saikawt, Churachandpur, Manipur)

Taksa kuma naupangte ka la nia chu ka kum chanve neka sawt lem chu HSA, HYA ah kum 25 zenzawn mawphurna dang dang chela ka um hnungin tukum kum bul anthok khan Hmar Inpui-a mawphurna poimawtak ka liengkoa innghatin a um nawk ta pei a. HSA/HYA inkhawmpui-ah voisun ang hi anvir buoi pawl le a sawl pawl nilo a ka thrang voikhatna ni mei dingin ka hriet a, kongkhatah khawsawt a umin lunghlui khom anlang tum hiel el a; kong dangah chu a inkhawmpui nipui nia nal panga incheia hung in ti VIP khom hi a sawl um dan a dangin inhoi khom a lo inhoi angreng hi tie. 1993 bawr laia, vawisuna ei Khuol Inzaum, Pu Joseph Lalrothang rawia Pawnpi khuo a HYA Inkhawmpuia kan fe lai da’m kha chu tienlai anchang tum el chu an tah a.

Hmarhai hi India hmarsak biela State tum tuma khom biel dang dangah sorkar le hnam a nina poimaw chel phak mangloin ei khawsaa; sorkar thau sawk phak mangloin ei um a, sum le pai thil ah lem chu ei sawl pha reng chu a ni hi! Chu nak sapa chun, ei Pathien thu lak tran dan le zawm dan andik mang naw mani ding, a Pathien thu tak nekin ‘kohran’ ei inhnik lem vang vanga; ama Pu L. Ruoivel Pangamte ti dan takah, ‘Pathien ngeng sun phak mang lo hin’ kohran pawl ramah ei invir buoi raka, sawl khom ei sawl pui reng a nih.

Kohran le kohran activity-ah ei inhnik taluo leiin hnam hminga pawl le chu pawl hminga thil thaw hrim hrim ‘ei hmu khawvel’ deu tlat a, ei kongkaw pha hrim a nih. HSA banner hnuoia ‘inchukna suk hmasawnna dinga seminar, career guidance program, etc le HYA huoihotna hnuoia Games & Sports le Cultural Meet chu ei hmu khawvelin ei ngai ursun mangnaw lai KTP hminga ei huoihot pha hlak chu a thalai le naupang hai chauh ni loin a tar-a-zur ei inhawrkhawma; Kohran Upa le kohran rongbawltu hlei hlei a thrang nasa le phur ei ni nawk ang loi si! Tulaia ei kohran inkhawmpui haia ‘Career Guidance & Counselling’ dam le exam a hlawtlinghai lawmpuina (felicitation) hunser ei neihai hi a poina chu a um der nawh; a thra le mawi le changtlung pei ding tak ruok chu a ni naw el thei. Ei naupang le thralai, lekha inchukhai sukbahla khop raka KTP activity-a fenlut lui tuhai ei ni thu chu ei uksang nawh!

Hmar laia poisa sum dawl inhoina tak chu kohran hming a nia; hnam hminga pawl ei nei ve – hieng HYA, HSA le a dang danghai a changtlunga, a hnienghnar theinaw nasan khom ‘kohran’ pawl hminga ei inkhawngda nasa taluo ta lei a ni el thei a nih. Ei pasie bik le hausa ei tlawm lei hrim hrim chu niin anlang nawh. Mimal le sungkuo le hnam thila harsatna chite ei tuok changa ei bel tak ruok chu ‘kohran pawl’ a ni thrak nawh.

Hmar hming chawia pawl ei nei hmasatak laia mi ‘HSA’ chu kum thar 2014 hi kum 75 hmel a hmuna, ‘Platinum Jubilee’ ding a ni tah a; HSA General Assembly nuhnungtak khan Jubilee Celebration Committee Convenor laia pakhat dingin an mi ruot a, a hnungah Chairman ding anga hlangkai ka nia chu Hmar Inpui President ka hung chel ta pei leiin chu mawphurna chu thrangthar lemhai kutah kan hlan sawng tah a; Annihai inrawina hnuoia hin Jubilee hi ropui le hlawtlingtaka hmang a ni ngei ka beisei. Tuithaphai laia celebration items riruonga um tamtak lai Hnam Lam Inruolsiekna le Traditional Sports Competition khom a uma, voisuna ei prokram hi a aitecheuna ni mei a ta, phur um hle in ka hriet.

Ei hnam Inchuklai Pawl in kum 50 hmel a hmu hman vanga, ei pansak-panthlanga hnam danghaiin an hnam hminga tlawmngai pawl (YMA, YPA, etc) kum 50 lai trangkai taka an nei trepin kum 1985 bawr lai khan lotheilo thil ang deuin HYA ei hung indin ve a, ei pawl naupang ang hu chun ei hmalakna le activity hai insit a um naw a, mi hnung ei hnot chuong bek nawh. Sienkhom, HYA ngirhmun le inzoma hun sawttak ka lungrila ka lo invoi hril suokna hun remchang ka hmu leiin lawmum ka tih. Chu chu hi hi a nih: Ei pawl thienghlim le hlu, HYA hi khuo/veng tin deuthaw-ah a hmaa ei lo nei le hmang VAL UPA le intai, inmil lo le ramri neia an um tlat hi lung a suktar a nih. Val Upa hai hi ei pi-le-pu hun anthawk khawsunga nunghak-tlangvalhai sietni-thratnia lo inrawitu an nia; an nina le mawphurna tak chu roreltu (administrator) ni loin ‘commander’ tieng pang lem a nih. An powers & function khan anni khawsung bak a huop nawh a; tulai anga khuo le khuo, hnam le hnam infepaw le insirton an ni naw leiin a trulna le poimawna khom a tam bek naw nisien a hoi bok.

Ei unau Mizo hai lai chu British sorkar-in lal (chief) a suktawp le inruolin ‘Val-Upa Institution’ khom a hung tawp titi ve nghal a; chuong ang practice char chu unau Paite hai khoma an zawm ve nisien a hoi bok. Chuleichun, unau Mizo le unau Paite hai chun ‘an HYA’ an khuo le hnam sunga sietni-thratnia kong iengkima nunghak-tlangval inrawitu niin over-all power an neia, an hnam sunga na na na chu chunghnungtaka an um lai ‘eini HYA’ chu khuo tam lema VAL UPA le indipin function mumal theiloa an um hun voi tamtak a um, a remchang lemna nekin ei kongkaw puina hriet dingin a um ta peia, la um pei a tih. Hieng ang buoina tenau ni si, buoithlak ve tak laka inthok hin ka hriet china Lamka an fihlima, tu hin Imphal khom a hung indersuok tran mek niin ka hriet. Kong iengkima khawvel hmasawn le inthrang dan pei enin hilai thu hi ei renga thrat lemna ding le hratna dinga ei siemrel vat chu ei thaw makmaw a nih. Tuithaphai le Imphal khela HYA a mawng hrat thei nawna san laia pakhat khom, Val-Upa boruok le huhau le an indip met lei ni thei dingin ka ring tlat. Ka ring dan le hmu dan chauh lem chu a nih. Hnam anga ei dam khawsuoka HMAR ei chawisang pei theina dinga poimaw pakhat chu tuta neka ‘HYA suk hrat’ hi ni ngei dingin ka ring.

Ei unau hnam haiin ‘an HYA’ hminga bur-le-bel, hall, office building complex le thlanmuol chen an nei lai ‘eini HYA’ chun hril ding ei la nei meu nawh; tuta term-a ei General Headquarters thruoituhaiin kawng keiphit rakin Rengkai Community Hall besanin office an min dinpuia lawm a um hle. Mihai le hrilkhi dingin ei pawl chu sum-le-pai, ro thil tieng ei hnienghnar naw khel ah a thruoituhai chu mani chipuihai ngaihlut le inza an hlawnaw anghuin kum 25 chuong tah ei HYA thruoituhai hi mi le hrilkhi dingin insit an um naw hi ei vangneina um sun niin ka hmu. Tuta trum khom chuong ang mi bok chu ei la thlang nawk ding niin ka ngaia, lawmum ka tih. Thu dang pakhat nawk, Hmar khom tlawm ei inti a, chin ei inti nak a lai, tulai hnai a pahnam zawnga thu ei fepui uor thar deu hin ngaituona a suk sei khop el. Nakie hin Hmar seng seng lai, Thriek pahnam, Zote pahnam, Leiri pahnam, Faihriem pahnam zawnga inlakhranna um thei ngai a nih. Hieng pahnamhai hin Bible em ei la nei naw a chu tum tak tak inla chu nei thei ding khopa trong nei ve tho ei nih.

Tulai hnaia ka lungrila inlang thar thil pakhat nawk chu – Ei mithi vuina prokram hi kohran pawl hmingin lak ni ta naw sien, HYA hming vawngin fe el ta lem sien, ti tieng dei a nih. Chuong chu ni thei ngat sien chu ei hnam sunga kohran pawl le pawl kara indaidanna bang hi hi nek hin inphan a ta; pawl lien le pawl chin inangrongin insongbawl ei ta, pasie le hausa kar khom suk hnai pha sot dingin ka ring tlat. Kohran dai ner anga a min tum pawl um pal an tih, hilai thu hi chu hril sei da’l ka tih. Ei thruoitu thar dinghai lunglutna zawng a ni leh, hung bawzui ta de ni hai.

HYA prokram a ni ti hre tho lang khom, ei renga ta tho a ni leiin ei HMAR INPUI thu a ka thuhril suktawp ka nuoma; in mi hrietthiem ka nuom. Assembly nuhnungtaka a lo pass ta angin Hmar Inpui Constitution, kum 10 chuong ei lo hmang tah hi infuknawna trut um a hriet a ni leiin siemthrat (amend) naran el ni loin a rurel (structure) puma ennon mek a nih a; review committee chu kar thar vel khin inthrungkhawmin an final draft chu submit an ta; chu chu Nov. 13 & 14 hin Special Assembly neiin en tlang a ni ding a nih; Assembly palai pangngai le affiliated organisation thruoituhaiin rem ei ti tlang chun Constitution thar hmang nghal dingin ei pass tum a nih.

Rotna thar fe mek a chun Hmar Inpui hi hnam hminga organisation ni ta loin, HYA, HSA, HWA, HCLF le a biel le region haia Political Party, Cultural le Literature Society hai chu an nina le huop chin ang peiin affiliated le co-opted member niin Hmar hnam pum huopa rorelna insangtaka member an ni ta ding a nih. Hmar Inpui hi General Headquarters le Regional Headquarters a hrana umin body thar um ta loin region tin anthok Vice President pakhat le Joint Secretary pakhat a biel mihaiin an thlang chu Assembly in namdet a ta; an ni hai chun an biela HYA, HSA, HWA sin thaw le hmalakna enkaiin ‘co-ordinating body’ angin um a ta, hun tiem chin umin Regional le General Assembly Session um pei tang a tih. Hmar Inpui a hin Assembly Secretariat hran umin Council le Assembly rorelnaa keihruoi tang an tih. Hmar Inpui Court um bok a ta; chu Court chun hnam sunga khuo le khuo, pahnam le pahnam buoina neu neuhai rel a ta; HYA in rem a ti lem chun Hmar Customary Law le inzoma thuneina insang khom inhlan thei ning a tih.

A tawpna tak tak dingin tulai hnaia Hmar nitin chanchinbua thusuok, khawlai titi le abikin social networking site haia thulum le inselbuoina chosuoktu chungchang hril phalna kei le kei inpe chor ka tih. Hmar Inpui inrawina hhnuoia October 22-24, 2013 sung, Umran, Meghalaya-ah ‘Hmar Linguistic Seminar -cum- Spiritual Retreat’ buotsai a ni ding le inzomin rawn ding awmtak hai kan lo rawn naw leiin kan thawsuol takzet a; President ka nina le a rot hmasatu laia mi ka nina angin Hmar mipui hma-ah ngaidam kan hni a nih. Tuta truma Hmar Inpui lukhaitutak hai hi taksa kuma naupang le lungril inhmaw lai kan la ni zie kan phat naw a, ka pom lai zingin hmathlir sei taka neia induong prokram, boycott a ni thu ‘Hmar’ hming chawi pawl pakhatin thusuok a siem el hi chu poi ka ti takzet a, ka lungril a na ngawi ngawi a nih.

Voituk khan Hmar Inpui Executive Meeting nei a nih a; tuta ei prokram hril hi a hming dingin HMAR LEADERS’ CONCLAVE ti a thlak a nih a; ni khat chara sukhnuin October 23-25 sung, a hmun pangngai bawka nei dinga sukthluk a nih. Hi prokram hin, mi threnkhat ringvang angin ‘hidden agenda’ ieng khom a nei nawh a; Hmar mi pakhat-pahni infuipora Hmar Inpui um a, an thu fepui dan le Hmar trong ziekdan inhmanglui tir tumna a um naw zie mihriem hriet le Pathien hrietin kan kham a nih. Hi Seminar huoihot a nina san chu Hmar trong, hawrop le ziek dan ‘style’ le Hmar thu le hla (literature) el ni loin State le biel hran hrana Hmarhai education (inchukna), fak-le-dawn (economics) ngirhmun le a domsang dan ding le abikin Assam State sunga Barak Valley le North Cachar Hills; Manipur le Mizoram a Hmar politiks ngirhmunhai inhrilhrieta, hnam thruoitu le hmalatu hai inhmelhriettuo a hmatieng peia inlaichinna thra lem ei nei thei dan ding lampui dap a nih. Seminar hrim hrimin zawm nghal ding chi thuthlukna (resolution) a siem ngai nawh a; rotna (suggestion) or recommendation a siem ringot hlak a; Hmar trong ziek dan thu a Hmar Inpui Assembly thuthlukna lo umsa kha tuta Seminar ding hin a thleng danglam el thei naw zie hi ei hriet chauh nilo a ei pom thlap a poimaw hle. Chuleiin, Hmar hnam sunga mimal le pawl (kohranhai thangsain) prokrama thrang dinga fielhai hnam hmakhuo ngaina leiin lungril inhongtak le himawna nei lo a hung thrang seng dingin ei inngen nawn takzet a nih.

HYA dam zing raw se!

Kum 2 liemta a inthawka HLS, Mizoramin hma a lo lak tah, Sinlung Hills Development Council, Mizoram bultumnain hungtlung ding 15 Nov 2013 hin Hmar Literature Society pathum, Manipur, Assam le Mizoram consultative Meeting I&PR Conference Hall, Aizawl ah nei dinga programme sukthluk a lo ni ta a; hi hun a hin HLS Manipur a inthawkin mi 4 le HLS Assam a inthawkin mi 8 a inthawka mi 10 hung thang thei dinga beisei a nih. Ei Hnam ta dinga thil tha a hung inher suok ngei ei beisei.

Manipur, Assam le Mizoram Hmar Literature Society

INRAWNKHAWMNA

A Hun : Thlaphal ni 15, 2013 Zirtawpni Zing dar 10

A Hmun : I&PR Conference Hall, Treasury Square, Aizawl

Sponsored by : Sinlung Hills Development Council, Mizoram

Recording Secys:

1. Pu DV Infimate, Asst Secy, HLS, Mizoram

2. Pu Samuel Z Hrangate, Fin Secy, HLS, Mizoram

 

HUN 1-NA

Ṭhuoitu : Pu Lalmalsawm Darngawn, Vice Chairman, HLS, Mizoram

Hunser : Rev Hrilrokhum Ṭhiek

Palai lawmna le inhmelhriet tirna : Pu J.Lalvarlien Puruolte, Secretary, HLS Mizoram

Hun hawngna le thuhril tawi : Pu Hmingchunghnung, Chairman, SHDC, Mizoram

Thuhril tawi 1-na : Pu L.Ruoivel Pangamte, Secretary, HLS Manipur

Thupui: Grammatical Structure of Hmar Language

Thuhril tawi 2-na : Dr VL Tluonga Bapui, Chairman HLS, Assam

Thupui : Hmar awng hmasawn dan ding

Thuhril tawi 3-na : Prof Lal Dena, Executive Member, HLS, Manipur

Thupui : Growth of Hmar Literature

Thingpui Ruoi (dar 12-1 inkar)

HUN 2-NA ( 1 PM)

huoitu :Pu Lalthankunga Hmar, Chairman, HLS Mizoram

Thu ngaituo ding hai:

1. Hmar awng ziek dan inang chungchanga Joint Declaration siem

2. State pathum a Hmar Literature Society hai Co-ordination Committee siem

3. Publication Board siem a Mizorama sut ngei dinga lekhabu ziek le siem

4. National Curriculum Framework in the context of Hmar Syllabus

Lawmthu Hrilna : Upa H.Thanghlira, Treasurer, HLS, Mizoram

Hunkhar awngai : Rev Lalhmingthang, D/S ICI, Aizawl

                                      RUOI RUOI

Sd/-

JC Tlangthansiama

Information Secretary

Hmar Literature Society, Mizoram

Office of the
Hmar Students’ Association
Delhi Joint Headquarters 

INHRIETTIRNA

Hung tlung ding November 16th – 30th November 2013 sung hin, Tangkhul Naga Society Delhi (TNSD) huoihawtna hnuoiah 7th North East Tamchon Memorial Football Trophy chu Dr. Ambedkar Stadium, New Delhi-ah nei ding ana. Hi tournament a hin Hmar Students’ Association (HSA), Jt. Hqrs., Delhi khawm fielna dawngin, a thang ve a. Kum dang ang bawkin Delhi a Hmar nau football pet thiem hai bakah, ei ram (Mizoram, Manipur le Assam etc.) tienghai a inthawkin career a siem pek thei tak duoiin tiin football pet thiem incha thlak dinga riruong a nih. Tukum hin Championship la ngei dingin thang nasatakin lak anih, hrattak nina chang ngei ei beisei in ei tum ngei bawk a nih.

Hi Tuornament hi a level an sang el baka Hmar hminga national level a ei inlang thei na um sun a nih, Player khawm a bikin career a neihai le nei tum mek hai khawm ngaiven zing an ni a, mi tu khawm player tha, (a thei chun national level/state level chen inkhel dam ni thei hai sien) ei hriet ani chun a hnuoiah contact no. suklanga um a hin inhriettir dingin ei infiel.

(**Belsa: Nukum khan ei Unau Kangleicha Sanaroi Lup (KSL-Meitei) haiin ei ni Hmar mi mi pakhat an player lai khan a thangsa ve a, a hming chu “Roland” ti a hriet anih, Guwahati/Kolkatta lai vela ball pet a um, an khuo chu Sakang-Moirang, Manipur a um niin a hril, a hre hai chun mi hung hril thei inla lawm um hleng a tih.)


HSA FC
(Hmar Students’ Association (HSA), Jt. Hqrs., Delhi)
HSA FC Contact No.
** 9899370879(Manager)
** 8802813428(Ast. Manager)
** 9899553213(Coach)

Office of the
HMAR INPUI (HMAR SUPREME HOUSE)
General Headquarters; Churachandpur, Manipur
INHRIETTIRNA PAWIMAW
October 17, 2013

Hmar Inpui hmalakna hnuoia October 22-24, 2013 sunga Rural Resource and Training Centre, Umran, Meghalaya-a ‘Hmar Linguistic Seminar -cum- Spiritual Retreat 2013’ buotsai kha remchang lema hrietna leiin a hmun pangngai a tho, October 23-25, 2013 sunga ‘HMAR LEADERS’ CONCLAVE 2013’ tia nei ni lem a tih. Hi prokram hi mimal le pawl thenkhatin ringhla methai sien khawm hnam pum hmakhuo ngaina lei le hma tieng peia Hmarhai Inchukna, Fak-le-Dawn zawngna le Pawlitiks ngirhmun ngaituo sana leiin fe thleng ngei dinga iengkim sukfel a ni tah. Hmar hnam sunga mimal le pawl (kohranhai thangsain) prokrama thang dinga fielhai hnam hmakhuo ngaina leiin lungril inhawngtak le himawna nei loa hung thang seng dingin ei inngen nawn takzet a nih.

Seminar a hin mi thenkhat ‘sakhi thing lo inlawntir’, ‘tr’ le, ‘aw’ thluk tawi aia ‘o’ chungchang thuah thuthlukna siem ni naw hulhuol a tih. Hmar Inpui le pawl dang dang inthuoidan-ah ‘General Assembly thuthlukna’ hrim hrim ‘Seminar’ vela thiek le sukdanglam thei a ni naw zie khawm hmu le hrie lo luitu hai naw chun an hriet tho ei beisei. Hi CONCLAVE hi kum 1988-a Muolhoi, Halflong HSA General Assembly tuma ‘Leaders Retreat’ buotsai, a hnunga lekhabu pawimaw le hlu, LUNGKHAM BANGNA insuo ang chi kha a nih.

Hmun le hmang indei naw leiin hi prokram a hin mi 130 neka tam thang thei a ni naw ding leiin pawi ei ti a; tu chen hin Assam, Manipur, Meghalaya le Mizoram bakah Delhi le India khawpui dang dang anthawk mi 100 thang ding anga sukchieng a ni tah. Tuhin, anni hai bakah hin thang thar (new generation) le Inchuklai (active student) hi prokrama thang inhawk le lungril ruk taka inhnikna nei mi 10 le hnam, khawtlang, kohran thuoitu le skul zirtirtu (teacher) mi 10 dang ta dingin ‘online application’, October 22, 2013 chen hawng a nih.

Inhnikna neihai chun a hnuoia hming ziek le contact number le e-mail a hai hin mani hming le detail danghai peklut dinga inhriettir ei nih. E-mail access thei nawhai khawma ‘sms’ hmanga inzieklut thei khawm ni bawk a tih.

A pawlpuia hi prokrama fe dan ding chu hieng ang hin ning a tih:

Tuithaphai- October 22, 2013 (Thawlenni) zing Dar 11:00 (Imphal phur sa malam ding)
Hmarkhawlien - October 23, 2013 (Nilaini) zing Dar 6:00
Aizawl - October 23, 2013 (Nilaini) zing Dar 6:00
Muolhoi, NC Hills - October 23, 2013 (Nilaini) zing Dar 6:00

Hmar Inpui ai le HMAR LEADERS’ RETREAT 2013 Organising Committee aiin,

Sd/-
(Dr. John Pulamte)
President
e-mail: pulamtejohn@rediffmail.com
Phone: +91 9436036938

Sd/-
(David Buhril)
General Secretary
davidbuhril@yahoo.com
Phone: +919615839780

Sd/-
(Dr. Paul Blessing Chonzik)
Secretary, Organising Committee
e-mail: paul_chonzik@yahoo.com
Phone: +91 9435500530

Muolvaiphei Branch, HYA. 
Saikawt, Oct 18, 2013: Hmar Youth Association, 11th General Conference cum Cultural Festival, 2013 a nikhatna chu vawisun tarik 18/10/2013 khan zo alo ni ta a, Zinga 19-10-13 (Inringni) Dar 10:30 hin Business Session(Rorelna) General Headquarters ṭhuoitu thar ding thlangna(Election) um a tih.

Cultural Competition a hin 1st Muolvaiphei Branch HYA, 2nd Rengkai Branch HYA le 3rd Khawmawi Branch HYA haiin an lak a nih.

Chief Guest le midang dang haia inthawkin " ei Hnam inthuruolna dinga mi keikhawmtu HYA Conference hi ngai pawimaw loin ei Kohran inkhawmpui chau ei ngaipawimaw hlak hi thil pawi tak ani" ti thu hai dam hrilin infuina thucha ropui tak tak hai ngaithlak anih.

Muolvaiphei Branch, HYA.
Hi huna khuollien hai chu Chief Guest chu Pu.(Dr) Chaltawnlien Amaw, MLA Chaiman HAC. Govt of Manipur; Guest of Honour: Pu Joseph Lalrothang ZEO, CCPur, Ex President GHQ; le Functional President: Dr.John H.Pulamte, Gen.President Hmar Inpui, General Headquarters; Special Invitees: Pu LalHosan MDC, Pu Lalramsang MCS ADC, Bishnupur. Govt of Manipur.YMA. KKL le ZYA hai an nih.

Ei Hmar hlasakthiem Tv.Lalsanglien Zote le Nk.JennethVarte haia inthawk khawma hla ngaithlak ani bawk a mipui an suk phurin boruok n sukin hawi pha hle.

HYA bul tana inthawk tuchena tlawmngaitaka rawng la bawltu mipathum hai kuoma Chawimawina inhlan an nih. Chuong hai chu 1. Tv.Thankhum, 2. Upa Zaiawithang, 3. Pu.F.Hmanga Khawlum hai an nih.

A hnuoia hi vawisuna program thlalak thenkhat hai chu.....
Sielmat Branch, HYA.

Salu.

Rengkai Branch, HYA.

HYA Flag, Hmarram Joint Hqrts in an chawi lai..

Sielmat HYA Branch nunghak hai..

HYA General Conference Banner.

Emma Joute, Rengkai Branch HYA. 
Eloy Zairemthang, HYA .Rengkai Branch.
Pu Thankum in chawimawina a dawng lai, Ama hi HYA bul tan tira inthawka vawisun chena HYA tadinga ringum taka rawng la bawl a nih.
Pu Hmanga Khawlum in chawimawina a dawng lai, Ama hi HYA bul tan tira inthawka vawisun chena HYA tadinga ringum taka rawng la bawl a nih.
L-R:  1. David Buhril, General Secretary, Hmar Inpui. 2. Zosangbera, Chairman, HPC-(D). 3. Lalhmuok Famhoite, Founder, General Secretary, Hmar Youth Association.. 

HYA Rengkai Branch







Photograph by:  Alan Famhoite.

HCFD ConferenceNew Delhi, October 17, 2013: Zani khan Hmar Christian Fellowship Delhi (HCFD) Thalai Conference vawi 6-na chu Apostles' Methodist Church, RK Puram, New Delhi hmun-ah inhawi le hlimtlang taka hmang a nih.

Thalai Conference hi session 3-a the a ni a, session khatna hi Tv. David Lalditsak Joute-in thuoiin "Praise & Worship" huna hmang a nih. Pastor Lalsiesang Zote in hun hawng tawngtaina a nei zoin, Nk. Christy Hluothangpui Inbuon in tanna hung a nei a. Thalai Chairman Pu Immanuel Khawbung-in Thalai Conference a hung hai le freshers hai lawmlut a nei zoin, Pu Malsawmthang Keivom-in Pathien thucha hrilna a nei. Hi session a hin HCFD Thalai group tin a inthawkin area report nei ani hnungin group inruolsiekna chu Asst. Music Secretary Tv. Eleazer L. Sungte keihruoina hnuoi-ah Thupawlpui hrilna'n hmang tan a nih.

Session hnina a chun inruolsiekna sumzawm nawk a ni a, Thalai Vice-Chairman Tv. David H. Joute-in thuoiin inruolsiekna chi dang dang - Quartette, Malzai, Duet hai nei a ni a. Group dang dang hai inruolsieknaa thang hai hi stage-ah hlasak dinga an vawikhat kai dam nisienkhawm an thiem tawl hle. Inruolsiekna nei zo hin HCFD Missionary Evan. Vanlaltlan Amo-in ruoi inhlanna neiin fatu hai lo suong bawngsa le vawksa chartang inhnik tawk tak le dal le vai anthur but kiltlang a nih.

Session thumna chu Tv. Cliff V. Hekte le Nk. Thelma Faihriem haiin thuoiin inruolsiekna le hla ruoi huna nei a ni a. Pu Lalchungsiem Thlawngate-in infuina thucha tawi a hril zoin Quizmaster Pu Lalramsang Hrangate keihruoina'n Bible Quiz inruolsiekna nei a nih. Nk. Lalruotmawi Pudaite-in financial report a pek zoin Music Secretary Tv. Nehemiah D. Ruolngul-in inruolsiekna lawmman semna hun a nei a. Lawmthu hrilna chu Secretary Tv. Lalneilien Inbuon-in a nei zoin hun khar tawngtaina Upa (Dr.) Lalsiemlien Pulamte-in a nei.

Hi zu mak takel Snake wine hi zu dawn chi(alcoholic beverage) ani a, bufai le grain a’nthawka siem a zu suonga(Bottle suonga) rûl (Snake) taksa pumin/po po chu anin chi (infusing) hlak a nih.

Hienganga thaw an hmasatak tu nia ei hriet thei chin chu China a Western Zhou Dynasty hunlai dei ta khan ani a, an ringdan le ngaidan a chun hi Zui(Wine) hin an thlarau nun chen damna an thlun thei, chun hrat thar nawkna (Reinvigorate) mihriema a pêk thei niin an ring a, hi thil hi an hril pei dan chun, “Chinese Medicine a’nthawka hung suok (hungin an) a nih.”an ti sa bawk a nih.

Hi Wine (Snake Wine) masak tak el hi China, Vietnam le South-East Asia le hmun thenkhat-ah hmu thei dingin ala um.

Source: Facebook

By Eric Fimate

Aw kan Hmar Ram tia hlaah ei tarlang phat phat hin Hmar Ram hi changkanglo talaw ni awm takin “Aw kan Hmar Ram inthim tlang dum duoi” ei tih a (a hla thu umzie ei hriet lai zingin a kawk danga um thei a nih). Chu khawm chu la dittawk lovin Hman Politiks inkhel nek nekin Politiks umzie bo inkhelin ei insuk mup mup zing a. Taksan tieng khawm ei hrisel thei tanaw ani hih. Zunthlum invawi leh, stroke nei pawl leh, B.P insang nei pawl leh, Hepatitis invawi pawl khawm ei pung deu deu. Zani lai chaua Hnam hung pienghai khawmin an mi lekhel vang vang an ta hih.

Indem ei hrat ang bawkin inchawisang tieng khawm hratin a muol muolin la duok duok ei tiu. Leh, ei lo hriet ngai naw khawm a lo ni el theia. Muolbem tlangval T.v Ronald Sinate hi hril hlaw khawpa nina nei a lo ni zing annawm ie.

Tulaia
hangtharhai hi Football ei inhnik tawl em em a. 2022 phata Brazil Rama F.I.F.A World Cup um dinga thu um khawm hi ei ngaivenin ei phur tlang ta hle ring a um. Foot Ball chungchang hre naw mang ei um naw leiin T.v Ronald Sinate nina hi ei hriet hle ring a um.
Ama hi Field sung-ah ball hnawtin a tlan vur vur ngai nawh a. Ball pet indik le felfai taka inkhel ani theina dinga a laia mutri muttu ang kha a nih.

Ama hi 2011 May thlaa A.M.F.A (All Manipur Football Association) REFEREE tling a nih. Chu chau chu a la ni nawh. A.M.F.A a FIRST CLASS REFEREE nilai zing a nih.
Chu bakah A.I.F.F (All India Football Federation) hnuoia RING NUMBER nei a nih. Hi RING NUMBER neihai chu All India a OFFICIATING thaw thei an nih. Hi poa hin dittawk chu a awm viu lai zingin thu lawmum nawk zuol a la um. Kum tlawmte hnunga F.I.F.A Referee ni thei ding Hmar Tlangval ei nei ei hriet sun a nih (a dang an lo um khiet diem chuh…).

Field sunga khelhai chau hre hlur lovin hieng khawm hi hriet hlaw chie a nih leiin CHAWISANG in THELAR nawk zuol ei tiu.
State danga eini umna Hmar Ram hmun dang danga khawm Football tournament ei huoihawt chang sawr ding theinghil ngai nawng ei tiu. Sawr hangkai ei ta, milai thelar bawk ei tiu. Eini naw midangin mi thelarpek nawnihai ti chu naute chen khawma hrieng an tih (awng uorna).

A hming suk vul ei tiu ka Hmar chanpui inzaum tak tak hai… chu ding chun kal pen dingin ka hung fiel cheu a nih.

Letter to Moderator/Editor/Administrator

Pu,

Ei unau Zomi Group haiin World Zomi Convention “Be a blessed Nation (Gen.12: 1-3)” ti thupui hmanga ursun taka Churachandpur area-a hmang an tumna le inzawm a, Hmar kohran hrang hrangah fielna inzaum tak sem a ni thu ka lo hriet le inzawmin, Hmar hnam sunga Kohran bubitna pawl tak ICI , Rengkai Biekin ah, Date 25th – 26th October, 2013 hun sung Worship Service hmang a, hi taka thang dinga fielna sem dar a ni a, thuhriltu dinga ruot Rev. Khen P. Tombing a ni ding thu ka lo hriet bawk.

Chun, Zomi World Convention le inzawma Hmar mi hun chang dinga programme-a ziek khawm an um nuol bawk a.

Amiruokchu, an mimal remtinaa thang dinga aw an lo ti khawm a ni thei.

Hienglai zinga ka buoina le ka hril nuom chu, ei unau Zomi World Convention buotsaituhai hin hmun khata Pathien ieng leia an chawimawi tum naw am? Thil mak ka ti chu Pathien chawimawina dinga hmun/khuo sawm thlang lai ICI, Rengkai Biekin hi iengleia an thlang kher am? An naw leh tu remtina am ning a ta?

Hieng a chunga ka mimal buoina le zawnna mawl tak ka hung ziekhai hi, ngun taka ngaituo chieng a tha naw ding maw?

Ringumin,

Timothy Z. Zote, Saikawt, Tuithaphai, Churachandpur.

Ziektu: Kh Thang Dailo

Hi a chunga zawna hi Hmar mitin inhnikna le zawna pawimaw tak a nih a. Tulai lem hin chu ei thu buoipui (burning issue) a niin ka hriet a.  Hmar trong hi ka thiem naw zie le a ziek tieng a lem chu literature tling khop ka ziek thei naw zie ka hriet a. Amiruokchu hi thupui hi ka lo inhnikna a ni leiin le Hmar Literature Society (HLS) hi  rongbawlna anga ngaia hun tam tak ka lo hmang ve na a ni  leiin ka ngai dan le thra dinga ka ngaihai ka hung ziek lang ve a nih.

Literature hi iem a na?

English dictionary  tieng ei en chun, “Pieces of writing that are valued as works of art, especially novels, plays and poem(in contrast to technical books and newspapers, magazines)” ti le “Imaginative or creative writing, especially of recognized artistic value” ti dama hrilfie a nih a.

Chun literature umzie chieng taka hrilfie hi thil harsa tak chu a nih. Khawvel hung inher dang lam – social le moral value hai, economic le political condition hai a hung danglam angin literature ngaihlut chi le literature umzie hrilfiena khom a hung danglam hlak. Chuleichun a ziektu (author) chunga nêkin a tiemtuhai chungah an nghat nasa lem amani ti dingin a um. Emily Bronte ziek “Wuthrering Heights” (1847) chu a hun laiin mihaiin ieng a khom an ngai noh a. Chuong ang bok chun Herman Melville lekhabu ziek Moby-Dick (1851) khom kha khawvel ngaisang le literature ropui le hrilfâk a vaihnung tulai khawvel a hin an hung ni ve chau a. Literature thra le thralo hriet ringot khom chu harsa tak a ni ti chu hi thila inthok hin hriet thei a nih.

Literature chu a tiemtu mipui an poimaw ei ti zing laiin a ziektu (author) poimawna le an thuziek hai hi “Imaginative or creative writing, of recognized artistic value” a ni zie chu ei ngâitha ruol a ni noh. V.S.Naipaul (Nobel Prize in Literature, Man Booker Prize, Jerusalem Prize dawngtu) hi a thil ziekhai mihaiin an ngaihlut êm leiin a private lekhathon hai chenin literature anga ngai pawl mihriem an um. Ziektuhai ngaisang le chawimawi khom tiemtuhai thaw ding chu a lo ni zing el. Ei lekha ziek thiemhai ngaisang le infui thrat hi a poimaw khop el. Literary criticism ni si lova mi lu tan zawnga in sawisel hi literature thila chun thaw lo chi a nih.

            English dictionary-a a umzie ei hmu ang hi ei pawm ding a ni chun Literature ti hi a lo inthûkin lekha ziek le lekhabu naran hai hi chu Literature an tling zo naw hle tina ning a ta. Chun, tulaia ei buoipui spelling (aw,o,tr hmang thu) lem hin chu Literature umzie tak a tawk phâk naw hle tina ning a tih. English literature le trong ei ngaisang vieu hi ei en chun spelling hi an suk danglam nasa êm êm a. Ka ruolpa, famtah Dr. Lalnghorlien in Kolkata University a M.A. English an chûk laia a min en tir Old English lem chu a tiem khom harsa ka ti hiel a, a spelling hai a dang lam taluot leiin. Chun trong hrim hrim hi inthrang zing, thrangtawp neilo ani leiin ei trong le a spelling chen hi inthrang zing ding a nih a. Tulaia mobile phone-a ei SMS trongbau le spelling hai khom hi ei literature a hin a la hung inzellût hun la um mei a tih. Chun, tulai spelling danglam ei hung hmang hin ei ‘hawrawp (script)’ a suk danglam noh a.  Meitei hai anga ‘Meitei maziek’  hawrop danglam tak ei hung thaw a ni nawh a. Ei trong thumal rîk dân (sound) a awthrat lem le ziek inhoina dinga ngaituotu hai hung suksuok a nih a. Hi thil hin ei literature a tawk buoi phâkin ka hriet noh a; Hnam buoina intlun hiel dinga lâk chi a ni noh.

            Chu lei chun kei khoma tulai spelling thaw dan thar an hung thaw hi a remchanga ka hriet leiin ka lo hmang ve el a. Hi hmangtu le suklartuhai “Hnam hmelma” ang hiela hril hi chu ngaidan puitlinglo niin ka hriet a. Hi spelling thaw dan hi thra ka lo ti ve leia hnam hmelma hiel ni thei a inhrietna ka nei naw bok.

              Amiruokchu tulai thila Hmar trong MIL anga University le Board hnuoia exam-na thua fedan pheikhai ruol taka spelling thua khom  la fe dinga HLS hotuhai ngirhmun hi a la trul nia ka hriet leiin ka pom a. Hun hung inher peiin spelling tharhai hi ei pom thei hun khawm a la hung um thei a. Chu huna chun Hmar MIL answer paper entuhai khawma American English le British English anga inruol taka mark an pek hun khom a la hung tlung ka ring. Chuleichun ei thupui tak Hmar Literature Society sukhmasawn ding chun a hotu le thuoituhai khoma literature umzie inthûk le zau anga an mi thruoi hi a poimaw hle niin an lang. Hmathlir hla tak le lien tak neia inthrang lien pei dingin ei dit êm êm a ni.

Manipur sorkarin Class V chena ding Hmar tronga inchûktir phalna le Text book ziek dinga a hung ti khan kei khom a buoipuitu lai ka thrang ve leiin “Literature” thumal hi Hmar trongin iem ting ei ta? tia hriltlangna kan nei hlak a. Lekha ziek le lekhabu naranhai hlak hi literature tling zo naw niin ei hriet si a. “Thuziek le lekhabu ei hringnun tawk, sukchâng le ro anga ei ngai hiel hai hi an ni leiin Nunrobu ting ei tiu”  tia rotna ka siem chu ruolhai khoma thra an lo ti vieu el a. Hmar trong bîk text book hai chu NUNROBU ti hminga  sut an hung ni ta nghe nghe a.

 

History of Hmar Literature Society: Hmar Literature Society hi ieng tik kum chara a hming hi ei nei tran am ka hriet nawh a. Amiruokchu a trantu, a phurtu hmasa tak le tulai ngirhmun ei tlung theina chu Kohran/Mission a nih a. Kohran/Mission zarin thu le hla hai ei hung nei a. Tusep, lêngzêm le hnam hlahai lem hi chu a vaihnung deuva ei hung nei chau an nih a. Ei lekhabu nei hmasa hai chu Pathien thu le hlahai an ni deu vong. Chun, ei Mission school hai chun lekha inchûkna tieng hma hung lain Hmar trong text book hai a hung siem pei a. Ei Literature foundation chu  kohran/mission hi a nih. Hihi hre thiemin Hmar Student’s Association chun Dr. Thanglung khom “Father of Hmar Literature” ti title ei pek hiel a ni kha. Hi thil hi thilthra ei thaw ding ei thaw niin ka hriet.

 

   Hmar Literature thua kohran/mission thruoituhai poimaw zie hi hei hril sei met ka nuom. Kohran hmasa hai chun Lusei trawng hi thuhrilnaa hmangin Lusei hla ruok an sak hlaka. Hlaphuoktuhai khawma Lusei trawngin an phuok bawk a. 1922 kumin Pu H.K.Dohnuna kohran/mission Field Superintendent a hung ni a. A ma hin  kohranhai chu mani trawng ngei a thuhril ding le hla khawm sak dingin an fui hlak a. Pu H.K.Dohnuna in a ti leiin Pu Rev.Thangngur le hlaphuoktu danghai khawma Hmar trawnga hla phuok an thaw tran chau nia hril a nih. Chun, Pu H.K.Dohnuna Field Superintendent nina hnuoiah Lusei trawng a inchuktirna le lekhabu (text book) bân a, Hmar trawng a inchuktirna le text book hai hmang a hung ni bawk. Kum 1927 in Pu H.K.Dohnuna chun Assam sawrkar Director of Public Instruction a inthokin Lakhipur Mission School a Middle English School Exam phalna a hmu a. Pu H.K.Dohnuna hin Hmar Primer hmasa tak, BUBUL ti chu a siem a. Hi BUBUL copy hi hmu zo a ni ta nawh a. A lo hmu le kawl dam ei um chun Hmar Literature Society hotuhai inhriettir dinga thra a nih. Hieng anga Hmar trawng le education thua hmalatu hmasa a ni lei hin Kei lem chun “Pu.H.K.Dohnuna hi Hmar Literature Pâ tia hriet zing tlâk ni vein ka hriet” tiin ka lo ziekin ka lo hril hlak. Ei Kohran le thuoitu haiin Hmar Literature Society hi an hung phur peia. Ka hriet dan hi an dik chun Kum 1961 – 1969 sung khan Rev.Lalthankhum Sinate, Vice President PMS chun HLS Secretary a chel a. Hi hun sung bok hin Pu H.L.Daka chu Chairman niin, hun iemani hnunga khan Rev. Darsanglien Ruolngul, Executive Secretary, ICI chun Chairman sin chu a hung chel a. Hieng hun lai hin Manipur ah Secondary Board of Education a la um noh a. Assam sorkar le Education Board hnuoia thil hni le thaw a trul a. Matric/HSLC exam-na  a Hmar Vernacular paper ei nei theina ding le Hmar medium text book hai sorkar pomna dingin nasa takin thrang an lo lâk hlak. Kohran/Mission sum sengin hma an lo pu hlak. Kum 1964 a Rev. Lalthankhum Sinate, Rev. Hrangtawnlien le Rev. Ruolneikhum Pakhuongte haiin ei Hmar school text book neihai chawia Assam sorkar le Assam Board of Secondary Education an inhmupui thu le hnina an siem thu khom chieng takin ka lo hriet ve. Ei Mission/Kohram thuoitu haiin HLS ta ding le Education ta dinga an thawhai hi article a hin hril seng an noh. Chun literature chu hrillo, ei hnam le trong India constitution hrietpuia ei um thei hi Mission/Kohran hotu thaw a ni chu mitin hriet a nih.

Chuleichun, kohran/mission thuoituhai hi inza le chawimawi hi tulai thuoitu hai hin ei mawphurna niin an lang.

Hienga Kohran hotuhai, an sin rik tak puma Hmar Literature Society an phur hi sawk zangkhai nuomna le sin hrat nawkzuola a fe nuomna a hung um a. Kum 1969 khan General Body Meeting kovin HLS Active Body indin a nih a. Chutaka inthok chun Hmar Literature Society hi Active Body hin a hung phur tah a. General Body a hotuhai kha suk tawp le midang thlang an ni ti thu ruok chu ka la hriet noh.  Acitve Body hmasatak Chairnam Pu Lalzarlien Darngawn, Secretary Pu Dr. Lalnghawrlien, Finance Secretary/Treasurer Pu Lalremthang Tusing le kei (Kh.Thang Dailo) khom a member pakhat lai ka thrang ve nghe nghe a. Kan term hun sung hin hmasawnna nasa tak a hung um vein ka hriet. Manipur sorkar ah nasa taka  Hmar trong Primary – High School chena recognize dinga nawrna chu sin pui tak pakhat ani a. Manipur sorkarin major tribes 5 a ti (Hmar, Mizo, Paite, Naga le Kuki) hai Junior Basic (Class V) chen a dingin a hung pawm (recognize) phot a. Sorkar le Education Board ah thil thaw ding le nor ding  tam tak inthuruola thaw a hung trul leiin All Manipur Tribal Literature Society Association ti chu hi hnam panga hai hin siem a nih a. Kei khom chu Association General Secretary sin chu  1981 -  1986 chen ka chel nghe nghe a. Chun sorkar le Board approved Hmar Text Book hai chu sutna dingin sum tam tak a hung trul a. Hieng ang thawna ding hin Partnership Mission Society in HLS  ngênna lo pawmin Text bookhai chu sut thei a hung ni a. Chun, hi hnunga hin L & R Press khoma nasa takin thrang lo lain lekhabu iemani zat zet a hung sut ve ta nghe nghe a. An chung ah lawm a um êm êm el.

 

A chunga ka hril hnunga hin Hmar Literature Society hi hung inthranglien peiin Mizoram le Assam rama hai Branch/Regional Hmar Literature Society a hung pieng ta pei a. Tuhin chu Manipur le Assam rama hai Graduate level chena MIL anga Hmar trong lak theina ei hung nei thei tah a. State tina hotuhai thrahnemngai le sawl taka an thawna leiin hi ngirhmun hi ei hung kai thei tah a. Lawm a um tak zet a nih. Hienga thawtu  hai hi an mimal hming tuhin ei la hril lang nawh a chu thrangthar haiin  chawimawina an la hung inkhumtir ngei ding a nih.

 

Thukharna: Literature chu mihriem nunrobu a ni angin hnam ta dinga pawimaw le hmang trangkai thiem ei trul tak zet a. Lekha ziek (nunrobu) hung thawlawmtu (writers) hai hi an poimaw êm êm a. An thil ziek haiin mipui a thra zawng le se zawngin nasa takin a thruoi thei a. Karl Marx lekhabu Das Capital,  Communist Bible  tia an ko hiel  chun khawvel mihriem chanve deuthaw a thruoi  thei ti ei hriet.

 

Ziektu hai hi an fimkhur khom a trulin zaidaw thei ni khom an trul. An idea le thluok varna thu hai, la hre thiemlo hai barlui (impose) tumna a um chun indik naw ni.

 

Tiemtu mipui khoma lekhaziektuhai lekhaziek style le spelling hmanghai ei ril rem zawng ni naw sienla khom literature an tling phot chun hnawl el hi thil indiklo ning a tih. Emily Bronte ziek “Wuthrering Heights” (1847) chu kum zabi liem hnungah a thrat zie khawvelin a hriet chau ang kha ni pal inlau a um khop el.

 

Chun, Hmar Literature Society thruoituhai khom a ei thil enkol le ei rongbawlna hi thil inthûk le lien tak a ni angin lungril lien le huopzau taka hma ei thruoi a trûl. Chun a chunga HLS history tlawm a zawng ei suklang ang khin HLS hi dam te te a, thruoitu hran hran thruoina hnuoia hung inthranglien pei a nih a. Tu lem hin chu State dang dang le University le Board dang dangin ei trong hi an lo pawm tah a. Regional a thruoituhai inpâk an um êm êm el. Hmatieng ei fe pei dan ding  ngaituo a hun ta hle. Education thil a ni leiin centralized taka fe am federal taka mani umna thil umzie ang peia ei fe ding tihai hi ngaituo dinga thil poimaw  tak a nih. Hmar Inpui dama  a mi kokhawm theia fedan thra a mi relpui thei chun thil thra ning a tih.

 

clip_image002

 

 

October  15, 2013

Pune

Powered by Blogger.